THE END
 هلأ أنو الأمور ضلت طبيعية معي لحتى هيك شوبت الدنيا وبلشنا نلبس تياب الصيفية 
وأنا قررت أضرب بعرض الحائط كل شي حكيتلكن ياه عن الوضع بدير بعلبة
وأنو خلص حطيت على عاتقي أنو لازم بأى يطورو شوي(على أيدين بنات الجامعة) 
ويتعودو على شوفة البنات بالتياب الطبيعية مو بس بالمانطو
وبالصدفة طلعت بسرفيس الحرملك (سبق وحكيتلكن عنو)
وكنت لابسة بنتكور(يعني بنطلون قصير تحت الركبة بشوي)
والمهم قعدت جنب مرة معا بنتين صغار وولد عمرو شي 6 سنين
ف هالولد ما شال عيونو عن أجريي لعمش أي أنا استحيت وكل شوي أمو تضربو و تعيط عليه 
بالأخير زورتني أمو شو زورة و قالتلو أنا بورجيك لأبوك عم تطلع عأجريين البنت بكرة الله بدو يحطك بالنار
بس أتذكرو أنو الولد عمرو 6 سنين
قامو شوفو شو جاوبا ابنها قلها(ماما ليكي مبيني أجريها وبيض كمان )
ياخ أنا فتت بالحيط  الولد بحياة عمرو ما شايف أجريين يمكن بحياتو ما شايف أصابيع أجريين
يعني الولد عمرو 6 سنين وهيك عم يفكر شلون بكرا بس يصير شب مشورب عقلو بدو يتحملو إذا نزل متلا عالحميدية وشاف هالبنوتات  عم يتغندروا بهالبس الحلو (أي رح يطق عقلو)
ففففففاااااااااا أنا اقنعت أنو هالعالم مستحيل يطورو في شي عندن (ما بدي أحكي شو هوي)بيخليون يسكرو مخهن
فيلي لازم يصير أنو نحنا نفتح مخنا شوي وما نتطرف كتير بلبسنا
يعني نراعي شوي شعور وطريقة تفكير هالعالم وهالنوعية الموجودة بكثرة بحمص
ومرسي ألكن
وخلص الموضوع انشالله يكون عجبكن 
فلينفجر القلب بلحظة ذل
ما زلت أحبك
أكره كل ما فيك
وأحبك !...
|