عن السرقة الرقمية
و أنا بدور في الانترنت، اكتشفت موقع ناقل نُص مواضيع أخويةـ نقل حرفي لأعضاء مختلفين (لبترفلاي، بوزي، قرصان، أحمد، قيس2000، نجم، إلخ..) كلها من قسم الخواطر، الشعر أو القصة. بعض المنقولات مع ذكر المصدر،
و بعضها بلا أدنى حياء، مجرد "شف" من غير أي إشارة للكاتب، وكمان مع ردود بتصفق الهن
و تحكيلون قديش هم مبدعين و فنانين إلخ.
http://saeeed.com/montada/showthread.php?t=12474
هذا الموقع هو على سبيل المثال لا الحصر،لأنو أكيد أكثر من واحد من اللي بيكتبو في أخوية لو تابع كتاباتو، إلا ما يلاقي لو شي نص في شي منتدى، محطوط باسم غيرو و الناس عم تحكي لهذا الشخص قدي هو مبدع و رائع و بيجنن! و حتى لو انذكر المصدر، هل صاحب القصيدة أو الخاطرة أو القصة أعطاه موافقتو حتى يحطا بمكان تاني؟
هلا المشكلة انو الأدب الرقمي كتير معرض لهيك انتهاك، أولا لأن معظم الكتاب بيكتبو بأسماء مستعارة، و بالتالي ما في شي بيثبت ملكيتو الفكرية و بالتالي ما في شي اسمو حقوق.
هلا السؤال: شو الحل؟؟! كيف ممكن للكاتب الرقمي يحمي كتاباتو؟
لقد كنت قبل اليوم أنكر صاحبي
إذا لم يكن ديني إلى دينه دان
و قد صار قلبي قابلا كل صورة
فمرعى لغزلان و دير لرهبان
و بيت لأوثان و كعبة طائف
و ألواح توراة و مصحف قرآن
أدين بدين الحب أنَّى توجهت
ركائبه، فالحب ديني و إيماني
ابن عربي
|