[oliver68]

كاتب النص الأصلي : المطارد رقم 1

اتقوا الله أليس الله بقادر على كل شئ
استغفروا الله اتستغربون ممن خلقكم من طين وخلق لكم السمع والأيصار
اتستغربون من الله صانع المعجزات
انا معكم هناك بعض الصور الخاطئة مثل الفتاة الممسوخة ولكن هذا لايعطيكم الذريعة لتشكوا بقدرة الله عزوجل
صحيح في بعض الصور استخدمت خطأ لكن هناك ماهو صحيح منها ولماذا تستغربون
لكن حسبي الله ونعم الوكيل واليكم بعض الصور التي مستعد ان اقاضي بها العالم على صحتها
هذه الصور نشرت على جميع العالم والصحف والشاشات وانا مستعد لأجادل اي شخص يشك يواحدة منها

اســـــــــــــــم اللـــــــــه على الســـــــــــمكة



شجـــــــــــــــرة تسجــــــــــــد باتجاه القبلة للكعبة لله عزوجل تسبيحا



أما هذه الصورة فليذهب الجميع الى مكانها وليسألوا أهل المدينة ان لم يصدقوا
الزلازل الذي وقع في تركيا كل المباني من حوله هدمت الا هو بقي سالما



صورة لصخرة في السعودية ترتفع عن سطح الأرض



( إِنَّ فِي خَلْقِ السَّمَاوَاتِ وَالأَرْضِ وَاخْتِلاَفِ اللَّيْلِ وَالنَّهَارِ لآيَاتٍ لِّأُوْلِي الألْبَابِ )


هذه الصور فقط عينة واذا كنت تريد ارسل لك المئات بل الالاف أيعقل كل هذه الصور تكون مدبلجة
يترى من هو هذا الرجل الفنان الذي تفرغ لدبلجة هكذا صور من كل انحاء العالم ؟؟؟؟
اتقوا الله اتقوا الله ربنا ما بيعجز عليه شئ
اللي اعطاك هالعينين لتبحلق فيهن على شاشة الكمبيوتر وهالعقل لتفتح النت مو صعب عليه هالشي

( إِنَّ فِي خَلْقِ السَّمَاوَاتِ وَالأَرْضِ وَاخْتِلاَفِ اللَّيْلِ وَالنَّهَارِ لآيَاتٍ لِّأُوْلِي الألْبَابِ )

حبيبي على عيني و راسي، الله بيصنع معجزات، بس إزا بدو يعمل معجزة بيعمل وحدة ما في مجال لتبريرها أو ضحدها، يعني معجزة بكل معنى الكلمة، وراجع كل الكتب السماوية و التاريخ و رح يثبتلك هالشي.
هلأ مشان الصورتين الأولانيات مافيني اجزم إنهن مانن فوتوشوب، و بالزات الصورة الأولى، و كمان مكتوب إنو يللي اكتشفها واحد مسيحي و راح فرجاها لشيخ مسلم مشان يئرالو ياها، و مع العلم إنهن بأفريقيا، يعني في شي غلط بالقصة و الصورة كلن عبعضن مو طبيعيين، و مشان الشجرة الساجدة كتير معقول إنها تكون فوتوشوب لأنها مو واضحة أصلا، يعني يللي أخد هالصورة كان فيه ياخد صورة أوضح، و مشان صورة الجامع، حبيبي الجامع صحيح بيت الله، لكن ماشرط إنو ما يتهدم، يعني في كتير مساجد تهدمت عبر التاريخ، و كأني شايف بالصورة إنو في ميت مبنى حوالين هالجامع، و في واحد ملزوء فيه تمام. أما الصورة التالتة، فمستحيل صدئها، لأنها و بكل بساطة بالسعودية، و معروف السعوديين كيف بفكروا و كيف بخترعوا هيك فبركات و خزعبلات، بعدين في شي مو طبيعي بمقدمة السيارة يللي على أساس شايفينها من تحت الصخرة!!!!!!!!!!!
و مشان حجتك إنو مافي ناس فاضين لهالشغلات، حبيبي في ناس بياخدو رواتب مشان يعملوا هالشغلات، مو بس مو فاضين، بتعرف ليش؟؟؟؟؟ مشان يضمنوا إنو نحنا لساتنا متخلفين و منصدق أقل كزبة أو خرافة ممكن تنحكالنا، و هيك بيضلوا راكبين على ضهورنا و عمبسوقونا متل الحمير بعيد عنك، و برأيي إنتي بدل ما تضيع وقتك و تستغل الانترنت بهالتفاهات، روح اقرألك شي مقال علمي أو ثقافي يفيدك، روح دور على "معجزات" العلم و إنجازات العلماء، روح شوف الصين كيف عمتحتل الفضاء شوي شوي، و كيف اسرائيل بالوقت يللي حضرتك إيمانك ضعيف و بحاجة لشي صورة معمولة عالفوتوشب مشان تثبتو، شوف اسرائيل شو عمبتعلم أجيالها و طلابها و مواطنينها، شوف كام قمر تجسس تابع لاسرائيل بالفضاء، شوف كام ألف دنم استغلوه بالزراعة رغم قلة المي و صعوبة توفر العناصر الغذائية بالتربة، روح شوف كيف دولة ماصرلها 60 سنة موجودة صناعاتها و جودة صناعتها بتكسح الدول العربية مجتمعة.
كبر عقلك و استغل النترنت بشي أفيدلك، بلالك هالمسخرة.