[mblue]

كاتب النص الأصلي : حلبي

يا ريت يكون في توعية أخي الكريم

التوعية تحتاج الى مستوى عالي من العلم و الثقافة و الخبرة الأجتماعية

نسبة الأمية تتجاوز كل المعايير الموجودة في العالم

الدولة مفتقرة بكل الكلمة من معنى الى برنامج عملي تقوم بتوعية المجتمع

و قد قامت بمنع الدين من القيام بدوره ببرامجه التثقيفية للمواطنين و للأسف ليسى عند الدولة البديل

أنا لاحظت أن الغرب يستخدم الرادع الديني في حل كثير من المشاكل العقيمة و حتى أنهم خصصو رجال دين في السجون لتوعية المجرمين و ألحاقهم في المجتمع بحيث يكونو مؤهلين للعيش في الوسط الأجتماعي بدون أي رجعة الى السجون مرة أخرى

عندنا أصبحت الناس بلا عقيدة و لا مبدء

و قد تركت الحابل للنابل

المؤسف بالموضوع انه في فئة معينة بهمها او بالاحرى من مصلحتها انه ما يكون في توعية وتبقى الناس عايشة بفوضوية وضمن نوع من العشوائية والانفلات الاخلاقي اولا والديني ثانيا والاجتماعي ثالثا ...
ومتل ما تفضلت فوق ... حتى بالدول الاوروبية الدين بيلعب دور الى حد ما في حياة كتير من الناس في المجتمع ... وحتى الدول العلمانية بتترك مجال للمؤسسات الدينية لحتى تقوم بعملها ضمن نطاق التوعية والتربية الاجتماعية ... ولكن للاسف ايضا انه ببلادنا وصل الفساد لقسم لا بأس به من المؤسسات الدينية فصارت اما هي عبارة عن غطاء لبعض الاشخاص او غطاء لمجموعة من الافكار او غطاء لجمع الاموال فقط لا غير ... وطبعا نتيجة لظروف سابقة تحددت صلاحيات مجموعة كبيرة منها وصارت الناس تخاف تحكي بشي تحت ستار الدين ...
يعني انا بتمنى انه متل ما في ناس بتقول بنجاح علمانية الدول الاوروبية والمجتمعات الغربية نشوف كمان التأثير اللي بتقوم فيه المؤسسات الدينية خارج نطاق القوانين والدساتير المعمول بها بالدولة ... يعني كمان ماهو معقول انه نشوف السلبيات فقط ونترك الايجابيات .
بالنهاية ما منقدر نرمي المسؤولية على ظهر المؤسسات الحكومية والدينية او اي جهة خيرية مثلا ولكن الشعب كمان اله دور اساسي في عملية التوعية الذاتية واللي من خلالها لما بيبدا كل واحد باصلاح نفسه ومحيطه الصغير اللي هو على احتكاك معه ممكن يلاقي نتائج كبيرة وايجابية وسريعة حتى وبالنتيجة هاد الشي رح ينعكس على المجتمع ككل .