[أسير التشرد]

مرحبا للجميع...وبلا استثناءات..من الحكومة..
مقدمة..انو ليش ما حطيتو اسمي بهالقائمة العرمرمية..باعتباري كنت(بالماضي..) منسق وبعدين مشرف للحظات(يعني اجزاء من الثواني..) وبعدين كمان صرت مشرف متقاعد..واجاني التبريكات والتهاني من الشعب ع التقاعد..وفجأة كمان صرت عضو.. يعني ينذكر اسمي من باب التاريخ..انو في قديم الزمان..كان ياما كان..

المهم بلا طول سيرة..بنفوت ع الموضوع دغري..شك روّيسي..
يا سادة ويا صبايا..برأيي هالموضوع جيد والكل بيقدر يزت او يرمي اوراقو هون..وخلي الكل يلعب ع المشكوف..بمعنى يحط رأيو بالتصويت ويذيلو بمقطع كتابة عن هالرأي..
انا قرئت كل المشاركات..وكتير مشاركات بتعبر عن اجزاء من رأيي.. ومثال ع ذلك..مشاركة سيريان انجل..

تعو لقلكن هالقصــّة ... وخدوها نصيحة اخويــّة يا جماعة ..
لا تفكرو كل المشرفين حبــّابين وبيتقبــّلو النقد برحابة صدر .. واذا كنتو مفكرين هيك فـ .. هئ ، غلطانين ..

يمكن يتظاهرو بهالشي ، بس نهايتا .. بينكشفو ..

واللي لفت نظري..انو شفت كم حالة دفاع وتمسيح جوخ هو بهالموضوع..
دفاع عم يصير عن طريق عضو تاني لمشرف قريب ع قلبو..مع انو الموضوع مطروح فقط انو عطي رأيك يا عمو واكتب شوية كلمات عن رأيو اللي اخترتو..مو تجي تنقاش العالم انو ..

دخلك شو الأسباب؟

ومسألة تمسيخ الجوخ..متل ما قال محمد ابراهيم..انو في ناس عندهم مصالح..بتمسيح الجوخ..من باب رد الجميل...وأكيد الكل بيعرف عن شو عم احكي..والكم رح حطو بين قوسين..(في كم عضو رح ينزلوا بعد مدة او رح يستلموا بعض المهام الادراية متل التنسيق.. بقا هدول مزكين من قبل المشرفين اللي هلأ..واللي كانوا سابقا منسقين..طبعاً انا كنت جزء من ذلك النسيج التنسيقي.....بقا لا بد من تمسيح الجوخ ورد الجميل ع التزكية اللي صارت بذلك الوقت..وازا بدكم رح نحط الاسماء اللي الهم الحق بدخول الاقسام الادارية هلأ...وهنن اعضاء وع قيد التدريب الادراي....منشان تعرفوا مين اللي عم يمسيح جوخ وليش..وخليهم مكشوفين..وبين قوسين زغار..وقت التزكية شفنا تضارب كتير بالآراء..واكتر شي استغربتو من عنصرية البعض..بغض النظر عن الصداقة المسنجرية اللي بينهم..ما رح ادخل بالتفاصيل كتير..)

هلأ من ناحية التصويت رح نصوت..بعد شوي بس خلينا هيك نراجع بعض الامور...لحتى التصويت يكون بمحلو..



__________________
ع الهامش..شوية تعليقات ع بعض المشاركات..بس منشان التنفيس وترطيب الجو..وما تاخدو الامور بعدائية واعتبارات شخصية..وهالهامش مو نقاش للرد..ابداً..بل عبارة عن تعليقات باسمة ومسلية ومضحكة..وخلينا نكسب بضحتكم الثواب..

انا صوتت ل syrian-angel مع اني ما بعرفا

..ما بعرفا..وصوتي كمان..

علقت مع سيباويه و مالي خبر

يا حاجي..الطاسة كانت ضايعة..

بحب بشار وما بحب الي تحتووو ..

..عيب شو هالحكي..الزلمة بحب مرتو كتير..بتحبيه وما بتحبي اللي تحتو..
ما اللي تحتو اهلو وام عيالو...

تسالي .. الله يقويكن اكتر واكتر

متدايقة كتير..لدرجة انو عم تتسالي بالموضوع..

كتبتلك ياه بغير مكان ... هيك و هيك رح يوصلك

واتاك الجواب من الغرب....طبعاً صاحب السؤال من الشرق..
ازا بريد حكومي متل اللي بسوريا ما رح يوصل إلا مفتوح بفرع 999..

انا شلت ايميلك من عندي

يعني بلوك..بس بمعنى تاني واسلوب اخر..


وحاجتنا هيك..
ويا هلا بالكل.. وانشاله هيك ما ينحذف شي من هالرد..