اقتباس:
كاتب النص الأصلي : ِAbu Alzooz
غابي :
- دراستك ؟ انت اخترتها ؟ بتحبها ؟ مبدع فيها و لا شلون ما كان ؟
|
أهلين أبو ويلم ( حتى لو غيرت اسمك رح تبقى أبو ويلم بنظري )
دراستي ما كنت سمعان فيها قبل ما انجح بالبكلوريا
بعد ما طلعوا المجاميع صرت أسأل على الدراسات والفروعة والمستقبل ومجال العمل ، اقتنعت بأنها المجال اللي انا بقدر لاقي حالي فيه وبقدر امشي بالمستقبل وانا مبسوط
بحبها ؟
اي بحبها وكلما عم اتعمق فيها عم اتعلق فيها بزيادة
ذكرني نحن عم نحكي على جامعة ولا على شي بنت
مبدع فيها و لا شلون ما كان ؟
بالسنة الأولى بسبب قصة معسكر التدريب الجامعي ما نزلولي اسمي على قائمة الشرف .. مع اني كنت بين أول 3 على الدفعة
بالفصل هاد كان معي 7 مواد
لهلق طلعت نتائج 6 منن
1 بالتسعينات
3 بالتمانينات
ووحدة بالسبعينات ووحدة بالستينات
عم نستنى المادة الأخيرة اللي في حال طلعت ناجحة ( حتى لو شحط ) رح اتطقلي الكلية بجيبتي 15 الف ليرة سورية عدا ونقدا
فمن ناحية العلامات وهلقصص ماشي وضعي تمام بس من ناحية فكر اعمل شي غريب من نوعه وانا عم ادرس مو واردة ابدا ابدا ابدا
جربنا بمرة من المرات نعمل تجربة من نوع ما ، عرضناها على مسؤول القسم قام الزلمة بكل بساطة قلعنا وبهدلنا ومسح فينا الاراضي ومن وقتا توبت فكر اعمل شي اكتر من المطلوب مني .
كتار وما بينعدوا بكل بستان في الي زهرة
اقتباس:
|
- العاطفة ( الحب ) بحياتك وينو بتفكر فيه ولا متل قلتو
|
ايدك علوجع
محسوبك غرقان لأدنيه وما الهيئة في شي رح يغير هلواقع
اقتباس:
|
- مرسوم استبدال المادة 548 المتعلقة بجرائم الشرف شو عنالك
|
خطوة ما فهمتلها شي .. انه معقول العالم فهمتنا ؟ معقول عم يسمعولنا ؟
مع أنه مجتمعي وبيئتي ما صدف أبدا وصار حادثة قتل باسم الشرف ، بس اعتبرتها نقطة هامة بتاريخنا اللي عم نعيشه . اذا ما كان بسبب انه المرأة انرفع عنها قانون ظالم بحقها فبده يكون انه العالم صايرة عم تسمع المطالب المنطقية لشعبها .
شغلة فاضية بس موقفي منها مانه حيادي ابدا
بكره السيكارة بشكل رهيب .. وبيني وبينك كنت من اسبوع عم قله لأحمد اني رح ضيف لمدونتي بالهيدر فوق شرط مكتوب بالاحمر العريض بيمنع الزائر من قراءة ايا حرف بالمدونة في حال كان مشعل سيكارة
الله والنسوان وعيون النسوان .. الله وابو جاسم.. دgله دgله
اقتباس:
|
- شو بيعنيلك بنات الهوى ( البنات يلي بيشتغلو بالدعارة )
|
احياء أموات
اقتباس:
|
- القراءة قديش من حياة غابي
|
هواية ما وصلت لمرحلة الهاجس ، ما بحب اقطع حالي عن الكتب وعالم الكتب وبنفس الوقت ممكن يمضى شهر او شهرين بلا ما طالع ايا ورقة خارج نطاق دراستي .
ديرولنا بالكن على هلصبية