[sydra]

كاتب النص الأصلي : anaadoul

يعني المرأة ما عندها اي نقطة قوة غير هيك؟!
بعدين هي مش نقطة قوة!!!
هيك شغلة ممكن تهدم اي علاقة مهما كانت قوية حتى لو كانت علاقة حب
وين المشكلة اذا كان في مناصفة بكل شي... يعني مرة الشب بيبلش... ومرة البنت
بركي عملت حادث وقعدت بالمستشفى؟ ما بتطمن؟؟
بركي متت... هيي ما بتتصل؟ ما بدا تعرف؟!
وين الحب اللي هو عشرة عمر، مو يوم ولا تنين؟
وين الحب اللي هو مشاركة بكل شي... بالأحزان قبل الأفراح؟
كيف ممكن الشب يرتبط ببنت ما بتسأل عنو الا اذا هو سأل عنها... ولا بتقلو بحبك الا اذا هو قالها بالأول؟

بأي منطق؟!
وبأي عقل؟!
وينو الحب الحقيقي... اللي لما بيغيب واحد من الطرفين بيلاقي الطرف التاني قلقان ومانو عرفان كيف بدو يوصلو... بيحاول بشتى الطرق انو يشوفو...
ليش البنت لما بتشتاق للشب ما بتقلو اشتقتلك بدي شوفك؟!
وليش لما هوي بيشتقلها وبيقلها اشتقتلك بدي شوفك بتقلو ما بقدر مع انها كتير مشتاقتلو وبدها تشوفو؟!
يمكن عم يفكرو انو "بيحبني ومافينو يعيش بدوني"
اي بيحبك... بس اكيد بيقدر يعيش بدونك... ويحب حدا غيرك... اذا انتي ما حسستيه انك مهتمة فيه....

عنجد شغلة غريبة!
ومتل ما قال ياسر العظمة "ان المرأة والطفل الصغير.... يحسبان الرجل على كل شئ قدير"!!!!!

نصحتي للكل.... شباب وبنات
لاتشوفو حالكن.. اللي خلقكن خلق غيركن

المشكلة انو كل الشباب متل حضرتك
بيبلشو بكلمة الحب مشاركة واهتمام من الطرفين وبيخلصوا بهالنهاية العظيمة تبعك الي خلقها خلق غيرها
ليه يا استاذ لو هو عن جد بحبها بيكون شايف غيرها ولا يالله لحتى يجي حدا افضل
ما تحكونا حكي انتو مو مقتنعين فيه
ايه هلكتونا حكي عن التقدم والتطور وتلات ارباع شباب البلد عقلو مركب من الف سنة