[butterfly]

كاتب النص الأصلي : ooopss

هو الحب، كذبتنا الصادقة... محمود درويش

لا أتفق ابدا مع درويش بهي الجملة .. أبدا ً ..

أنا من الناس اللي بصحى والابتسامة عوشي .. لأنو في " أمل "
لأنو عندي أمل بالانسان .. بسوريا .. بالله ..
برفقاتي .. باللي بحبو
أنا كائن من فرح وامل ..
عندي أحزاني متل كل الناس .. وخيباتي
وهزيماتي وفشلي
بس الشي اللي كان يمسكني من إيدي ويرجعني كل مرة لابتسامتي
هني الناس اللي بيحبوني
( في صديقة انتشلتني يمكن مليون مرة من حالي .. من ضعفي .. برأيك ما رح حبا للأبد ؟ )

بكتاب اسمو " لماذا أخشى أن أحب " .. كتير رهيب الكتاب
بيقول ليش الناس بتخاف تحب
بيقول جملة " وحدها خبرة حب حقيقية تجعلنا ننفتح .. كبرعم صغير .. " مو بهالحرفية بس بهالمعنى

الحياة باردة وصعبة .. فيها تنافس وتعب وصراع وصرخات من ناس عم تتوجع ما عم تنسمع
برأيي انا .. الحب هو الوحيد اللي بيقدر بيخلي .. الأنسان .. يقدر يكفي بالحياة .. بفرح

في تفاصيل صغيرة بنهارنا .. برأيي هي التفاصيل الصغيرة هي المهمة ..
هالتفاصيل على طريق الحياة
صديق موجود ليمسح دمعة ..
قدرة قلبنا الاناني انو يحب رجل بقوة
صديق بيستفقدلك وقت بتغيب ..
صديقة .. بتغفى بحضنك .. كأنها اختك الصغيرة
ايد .. نظرة .. ابتسامة من غريب يمكن ..

انشالله عطول في أمل ..
وبكرة أكيد أكيد أحلى ..


وهي كمان قطعة درويشية

صديقان نحن، فسيري بقربيَ كفاً بكف

معاً، نصنع الخبز والأغنيات

لماذا نسائل هذا الطريق... لأي مصير

يسير بنا؟

ومن أين لملم أقدامنا؟

فحسبي، وحسبك أنا نسير...

معاً، للأبد

لماذا نفتش عن أُغنيات البكاء

بديوان شعر قديم؟

ونسأل: يا حبنا! هل تدوم؟

أُحبكِ حُبَّ القوافل واحةَ عشب وماء

وحب الفقير الرغيف!

كما ينبت العشب بين مفاصل صخرة

وجدنا غريبين يوماً

ونبقى رفيقين دوماً.

جملة درويش .. رح تخليني اكتب شي .. مدري كيف عملي ثورة .. بدي دافع عن حبي