[Abu ToNi]

كاتب النص الأصلي : بنوتة حلب

مو حابه رد عليكي بجواب رد لكلامك
لانو مارح تحبيه بنووووب

ورح تفهمية غلط










لاحول ولا قوة االا بالله

ازا عندك خيارات تانيه هات لشوف نورررررررررررني
بركي فايتتني كم معلومة

قبل ما انسى :
صغريلنا خطك .. مش القصة كبر تربح طبش تسبح ..

ما قصة انها معلومة بتحصلي عليها من كتاب او من شي نشرة اخبار
المشكلة لا بطريقة تفكيرك ولا بوجهة نظرك
المشكلة بحد ذاتها بالقيم الاجتماعية المفقودة والمتوارثة بشكل ممسوخ بمجتمع كلما بحطله حد ادنى من التخلف بيبخعني وبيرجع بخربطلي حساباتي .. لحطله حد ادنى جديد وهوي بدوره يبخعني من جديد ..
صدقا انا متعحب كيف ممكن واحد يوصل لهيك مرحلة من التفكير (( بقصد التفكير الاجتماعي ))

بالاصل الشي اللي عنا مش قيم اجتماعية .. ظلال لقيم بتهوي


الحب قيمة
القيمة الوحيدة اللي ممكن اننا نختصر فيها كلشي
اللي بحب ما بيسرق اللي بحبه
اللي بحب ما بيقتل اللي بحبه
اللي بحب ما بخون اللي بحبه
اللي بحب بقدم حياته للشخص اللي بحبه
ما جاي على بالي قدملك محاضرة عن الحب

الحب قيمة .. قيمة روحية اعطت للبشرية نكهتها الحالية


حطي شوي الجنس على طرف منرجعله بعد شوي

الحب بالمجتمعات المتخلفة متل مجتمعنا السوري يعتبر خطيئة

فرجيني بنت بتقدر تقعد مع اهلها وتقلهم (( اناعشقانة ))
او فرجيني بنت بتقدر تحكي مع الشب اللي بتحبه واهلها معها بالغرفة نفسها بدون ما تحدثه بشكل (( كيفك .. رحتي على السوق اليوم ؟! ))
او بتقدر تمشي بالطريق معه ويطلع حدا من اهلها بدون ما تحاول تعمل حالها ما بتعرف الشي اللي ماشي معها

كل القصص وكل الاحداث العاطفية بحياة الانسان السوري قصص ممسوخة لنماذج اشباه بشر ، احداث جدا متطرفة وجدا غير عادلة بتنقسم بحسب جنس الانسان :
فالشب بتكون قصصه (( بطولات ))
والبنت بتكون قصصها (( خطايا لازم تخفيها على اهلها ))

انا من الاشخاص المقتنعين تماما بان كل قيمة بيتربى عليها الانسان وهوي صغير بيحملها معه حتى مماته .. وبيرجع بيزرعها من اولاده من بعده
وعندي استياء كتير كبير على المصدر الاول لتشريع القيم الاجتماعية
واللي هوي للأسف الشديد الدين ..
ما بدي ادخل بقصص الدين وكيف تم تشويه الافكار وتشويه القيم
خلينا بالمجتمع

انتي سألتيني شو بعملها او شو هوي الخيارات اللي قدامي
وبنظرك انت شملتي كل الخيارات
يا بقتلها يا برتيلها !!!

بالأول والاخير الجنس بمعناه الصحّي او الغاية من وجوده هوي الحب
فاذا كان الله خلق الجنس لهدف المتعة فقط لا غير .. فالله كائن منحط ووضيع لابعد الحدود
الجنس حالة تعبير عن الحب

انا مبدئي بالحياة بقلي
اذا اختي كانت عايشة علاقة حب
علاقة حب متقدمة ومتطورة .. من ناحية المشاعر ومن ناحية الالتزام
اتجسدت هاد الرابط على الارض الواقع بعلاقة جنسية كاملة

وبيوم من الايام او بظرف من الظروف انتهت هي العلاقة او تخلى عنها الشب

فقبل ما فكر بشرفي التنكي المهدور .. قبل ما فكر مين بدي اقتل
لازم حس انه في انسان من لحمي ودمي عبمر باذمة
انسان تم التخلي عنه
انسان بحاجة اني كون واقف جنبه بالفترة اللي هوي عبعاني فيها
انسان عبعاني باللحظة هي .. من الناحية النفسية قبل ما تكون من الناحية الجسدية .. هي اذا كانت

منحكي على البنت اللي مارست الجنس قبل الزواج وكيفية التعامل معها
ولا كانها سلعة تجارية او كانها كتلة من الخطايا والنقوصات
منحكي على التبرا العلني منها على الملا وامام الناس (( لا بعرفها ولا بتعرفني ))
وبكل وقاحة منحكي على سلبها حقها بالحياة
كأن التخلص منها يعني تخلصي من الخطايا لا بل دلالة على كمالة شخصيتي وشرفي
مع انه هوي تخلصي منها مش اكتر من محاولة ارضاء نفسي .. بكل جشع وانانية .. باني انسان كامل

مننسى نوقف شوي ونفكر فيها كانسان بحاجة اننا ندعمه نفسيا
بانسان خسر شخص عزيز على قلب

قلت وبقول
طز بهيك شرف تنكي (( ميرسي ياس على التعبير ))
اللي حيكون مرتبط بالتركيبة الفيزيولوجية لأختي
طز بهيك مجتمع متخلف جرّد البنت من كل حقوقها وحتى من انسانيتها