اقتباس:
كاتب النص الأصلي : mblue
المؤسف بالموضوع انه في فئة معينة بهمها او بالاحرى من مصلحتها انه ما يكون في توعية وتبقى الناس عايشة بفوضوية وضمن نوع من العشوائية والانفلات الاخلاقي اولا والديني ثانيا والاجتماعي ثالثا ...
ومتل ما تفضلت فوق ... حتى بالدول الاوروبية الدين بيلعب دور الى حد ما في حياة كتير من الناس في المجتمع ... وحتى الدول العلمانية بتترك مجال للمؤسسات الدينية لحتى تقوم بعملها ضمن نطاق التوعية والتربية الاجتماعية ... ولكن للاسف ايضا انه ببلادنا وصل الفساد لقسم لا بأس به من المؤسسات الدينية فصارت اما هي عبارة عن غطاء لبعض الاشخاص او غطاء لمجموعة من الافكار او غطاء لجمع الاموال فقط لا غير ... وطبعا نتيجة لظروف سابقة تحددت صلاحيات مجموعة كبيرة منها وصارت الناس تخاف تحكي بشي تحت ستار الدين ...
يعني انا بتمنى انه متل ما في ناس بتقول بنجاح علمانية الدول الاوروبية والمجتمعات الغربية نشوف كمان التأثير اللي بتقوم فيه المؤسسات الدينية خارج نطاق القوانين والدساتير المعمول بها بالدولة ... يعني كمان ماهو معقول انه نشوف السلبيات فقط ونترك الايجابيات .
بالنهاية ما منقدر نرمي المسؤولية على ظهر المؤسسات الحكومية والدينية او اي جهة خيرية مثلا ولكن الشعب كمان اله دور اساسي في عملية التوعية الذاتية واللي من خلالها لما بيبدا كل واحد باصلاح نفسه ومحيطه الصغير اللي هو على احتكاك معه ممكن يلاقي نتائج كبيرة وايجابية وسريعة حتى وبالنتيجة هاد الشي رح ينعكس على المجتمع ككل .
|
يا ريت أخي الكريم كل واحد منا يلتفت الى نفسه و يلقي اللوم على نفسه و يصل الى مستوى الشعور بالمسؤلية
أذكر أني في أحدى المرات كنت في السرفيس و شعر الناس أو أشعرتهم بأني مغترب و سألوني عن وضع البلد كيف تغير و ما هي نظرتي للوضع الحالي و كان بعض الركاب يلقي اللوم على الحكومة بأنها هي السبب في التخلف الذي تعيشه البلد
فأجبت دعنا من الحكومة و لننظر الى أنفسنا قليلاً
من يقوم بتخريب المرافق العامة مثل الهاتف العام و الأنارة في الشوارع و حتى الحدائق من يقوم بخلع المقاعد و حتى أبواب الحديقة فما بالك في الزهور المنقرضة من يعبث بهذه الأشياء ألسنا نحن أم من
هاد غير قصة الأزليلة اللي شعلوها الشباب في قطار اللاذقية
نحن المسؤلون عن تربية أولادنا في بيوتنا و لا يمكن للحكومة أن تدخل الى بيوتنا و تقول لنا كيف نتحدث الى أولادنا و كيف نتصرف في حياتنا اليومية
البيت هو الأساس فمن البيت يبدء المجتمع
أخي الكريم لا ننسى أن الجاهل يصنع بنفسه مالا يصنعه العدو بعدوه
{ إن في خلق السموات والأرض واختلاف الليل والنهار لآيات لأولي الألباب }