اقتباس:
كاتب النص الأصلي : suryoyo
هي احلى مقال شايفو بحياتي .. عن جد ضحكت 
المعروف انو الرأسماليين هني اللي بدوا وشعلوا الحرب الاعلامية من خلال كثير مسرحيات و افلام مشهورة مثل روكي و جيمس بوند و حاليا حتى كارتون The Simpson للأطفال 
و red alert كلها شلون الروس رح يضربوا الاميركان المساكين بالنووي 
لو نجي للجد .. هلا فعلا كان المجتمع اشتراكي تكافلي و انو الرأسمالية كبيرة مقابل السنافر الزغار
بس في شغلة ما تتطابق مع الشيوعيين
أكيد لاحظتي من دون كل السنافر ... كانت بس سنفورة وحدة 
بس بالواقع الايديولوجية الاشتراكية ركزت على دور المرأة العاملة بالمجتمع
بالاخير يطلع ابو الكرتون فرنسي من اب اشتراكي و ام رأسمالية  |
ليك هوي كلامك منطقي عن سنفورة .. بس مع انها وحدة لاحظ قديش كانت مهمة والها دور فعال بمجتمع السنافر!!!
من ناحية الدعاية الاعلامية للصراحة حاليا منشوف بكل برامج الاطفال سيطرة البطل الواحد المنقذ من الخطر
واعطاء العنف بعد اساسي للمواجهة ..
البرامجالحالية مختلفة جدا عن برامج جيلنا يلي اعتمدت ع التاعون الجماعي وعم تنمي ( برايي طبعا ) الانانية والبحث عن التميز بوسائل مشروعة وغير مشروعة
شو بدنا رح يضلو السنافر شغلة كبيرة هلق وبعدين