أخوية - عرض مشاركة واحدة

**TheLight** · 23/01/2008

اقتباس:

كاتب النص الأصلي : yass

يعني عن جد, و مع احترامي لكل المقليين سابقا, هاي أحلى مقلاية عدت (عم امسحلو جوخ منشان ما يزتني وراه آخر الليل شنّو اليوم آخر يوم

)

1- امتى جايني زيارة؟

والله يا عزيزي المشوع ببالي...بس حاليا البروغرام مليان بين روحة ع المانيا وروحة ع انكلترا, وبالتالي ممكن تتأجل للصيف...
بس بما انو انتي نشيط ورياضي وفاضي...ليش ما بتكوع انت؟؟؟؟
يعني البيت وصاحبو بيتشرفو بزياتك سيد اليخاندرو...

2- بيقولو انو الحياة وقفة عز. شو رأيك؟
مين مضحك عليك وقايلك هالشي...
الحياة وقفة هز...
كل ماهزيت اكتر كل ما زاد البخشيش.....

3- كمان بيقولو انو الاكل ع قد المحبة. شو رأيك؟

أي أنا موافقك تمام...الاكل والشرب والدخان ع قد المحبة....
جهزلي ياهون بس اجي لعندك....
وبس تجي لعندي كمان جيبهونن معك بما انك بتحبني كتير....وانا بفرجيك قديش بحبك وكيف رح خلصهن....

4- لو عطيتك هلأ ورقة و قلم و قلتلك اكتب جملة و هالورقة و هالورقة راح توصل للشخص اللي انت بدك ياه مهما كان زمان و مكان هالشخص (عايش, ميت, من ألف سنة, لسا ما ولد, مشهور, مغمور, واقعي, خيالي ....الخ) شو بتكتب و لمين؟

بكتب ليللي (بنظر المؤمنين الله) وبنظر الملحدين (مو موجود)...وبنظري مو موجود بس اذا كان موجود (تحسبا يعني)

شكرا ع الاديان يللي بعتتهن (اذا انت يللي بعتتهن)...بدل الواحد بعتتلنا تلاتة...
وشكر لانك خليتهن متناقضين....
وخليت الناس يتفرقوا عن بعض باسمك...يدبحو بعضهم باسمك...يكرهو بعض باسمك...ويزرعو الحقد باسمك...
ولاتقلي...انو هاد مو ذنبك....وانو هاد ذنب الناس يللي ما فهموك...
لوكنت متل ما كنت عم تدعي...عالم بالغيب...كنت عارف شو حيصير

شكرا الك....

5- الساكت عن الحق شيطان أخرس. شو رأيك؟
الساكت عن الحق ابن حرام....
بس ولدنة الحرام درجات...يعني حسب علم الوراثة...يا بيكونوا 1/8 أو 1/4 أو 1/2 او كل مورثاته ولاد حرام....

6- اسأل حالك سؤال ع كيفك و جاوب عليه

هل عطيت كل الاجوبة بالمقلاية حقهون؟؟وشو اكتر سؤال عجبك؟؟؟
للاسف بسبب ضيق الوقت والانذارات تبعوت ريمي اضطريت استعجل واضطريت اظلم كتير ردود....
أكتر سؤال حبيته هو سؤال النواعير.....حشيش بس وراه عبرة...

سلامات!!!!

شكرا ياسو