اقتباس:
|
هادا الكلام بيتناقش بمجتمع ..غربي يلي صار فيوا هادا الشي عبارة عن أمر واقع ...وقت يلي صارت البنت بتقدر ترفع قضية على ولي أمرها لإني حاول يأدبها لإرتكابها فاحشة بحق نفسها وهي بسن مابتعرف شو معناتها الدنيا.....ويلي أدى بالروابط الاسرية إلى أسوء الروابط
نحنا عم بناقش الموضوع على إني هو في مجتمع شرق أوسطي ...يلي بتحكموا عادات وتقاليد لازم نحترمها......
ليش برايك إني مافي كتير من أنواع الشذوذ ...ولا برايك إني الحالة الوحيدة في الشذوذ ( الطبيعي على رايكن ) إني يتم بين تنيين من جنس واحد بيحبوا بعضهن البعض
|
أولا لاحظ إنك عم تحتكر الأخلاق لإلك، ومفهوم الفاحشة عندك مو "يونيفيرسال" ولا هو الصحيح بالضرورة. هلأ ما بعرف عن أي فاحشة عم تحكي، بس إذا قصدك الجنس فهاي حرية شخصية والي بدوا يأدب بنته، بيلاقي طريقة يأدبها بدون ميضربها. مجتمعنا الشرقي وعاداته الي حضرتك عم تفتخر فيها مو هي بالضرورة الصحيحة وأنا ما كنت عم بحكي عن المجتمع الغربي كمثال يحتذى به. أنا بحكي عن قواعد احترام حق الإنسان البالغ والعاقل بالتصرف كما يشاء طالما إنه مو معتدي على حدا. هلأ بمجتمعنا الي حضرتك بدك تحترم تقاليده، الأب بيطخ بنته إذا شك بتصرفها وما حدا بيحكيلوا شي...قال يعني عأساس حفظ "الشرف". مجتمع زي هاد مريض مو شايفة إنه تقاليده كتير بدها إحترام، طالما هو ما بيحترم الأفراد الي فيه.
بخصوص المثلية (ولاحظ أنا ما سميتها شذوذ متلك) فكونها مرض أو لأ هاد الأمر منوط بالعلم ليعرفه. مو وظيفتي أفسر هالشي أنا، ولكن طالما الموضوع صار بالتراضي بين شخصين بحبوا بعض، وطالما للآن طبيا ما في إثباتات إنه المثلية بتضر، فما إلي حق أعتبره مرض.
هلأ بخصوص الجنس مع الحيوانات، فيا ريتك انتبهت لجملتي الي حكيت فيها إنه الحيوان مو عاقل لحتى يقرر إذا بده يمارس الجنس مع الإنسان، عدا على أنه غير صحي للحيوان أو الإنسان. الجنس مع الحيوان نوع من أنواع تعذيب الحيوانات (مثل الاغتصاب عند البشر).
اقتباس:
هادا كلوا أنا برايي شذوذ ......ويلي بيشذ عن قاعدة ......من الممكن إني يشذ على غيرها ...وإذا كنتي رح تبريي موقف الشذوذ اللوطي .....فلازم كمان نبرر الشذوذ مع الحيوانات
و إذا كنتي عم تبرري إني العلاقة الجنسية مع الحيوان نوع من أنواع التعذيب للحيوان .....فشو رح تقولي للناس يلي عم تدبح الحيوانات من شان تاكلها ....( اكيد برايك إني هنن قتلة)....
|
إنت قلتها برأيك ورأيك بيحتمل الصواب أو الخطأ. 
القصة مو إنك توافق على الي بيعملوا سيريان غاي أو لأ، بس إنك تفرض رأيك عليه. وأعتقد إني شرحتلك الفرق بين المثلية، وبين incest والجنس مع الحيوانات وحتى الجنس مع الأطفال إذا شئت. النقطة المحورية إنه تكون العلاقة غير مضرة صحيا (والعلم للآن لم يثبت مضار صحية للمثلية) وإنه يكون بالتراضي بين شخصين عاقلين (والمثلية بين عاقلين، وما بتصير بالغصب).
هلأ إنت أكيد رح تختلف معي، وهذا حقك الكامل، ولكن ما بحقلك (ولا بحقلي) تفرض رأيك وأخلاقك على الإنسان اللوطي وما بحقلك تنكر عليه حقه بعيش حياته متل ما بده طالما هو مو آذيك.
اقتباس:
|
أنا ما جيت على المنتدى وفضحت خصوصيتوا لسيريان جاي
هو عم يفرض فرض علينا إني الشذوذ الجنسي أمر واقع و الكل لازم يعترف فيوا ....يلي هو أصلاً ما عم يقدر يفرضوا او حتى يبوح فيوا ضمن نطاق عيلتوا...أو ناسوا......وين الخصوصية بالموضوع غذا كان هو كاتب إسموا .....السوري اللوطي أو Syrian-Ga
|
أنا عم بحكي الأخلاق نسبية وما حدا إله حق يفرض معاييره على الآخرين، بس إنت ما انتبهت غير لآخر كلمة. هلأ سيريان غاي حط اسمه هيك (وأنا ما بأيده بهاي النقطة بالضرورة)، لأنه عارف المجتمع مو متقبله وبده يحاول يخلي الناس تتقبله، بس هو ما عم يحاول يفرض معاييره على الآخرين، يعني ما بده ياك تسفقلوا وتهنيه ولكن على الأقل ما تنبذه بسبب اختلافه.
اقتباس:
|
برجع وبقلك أنا ما في شي بيني وبينوا أنا بس عم ناقش موضوع الشذوذ على إني هي حالة غير طبيعية وكل الأديان و الاخلاق و الناس الطبيعيين بيعرفوا هادا الشي...ولاعم بقاتلوا أو جرح فيوا
|
اقتباس:
إلا إذا كانت الحقيقة بنظرك بتجرح....ويلي هو بالحقية بتجرح بكتير الأوقات ..بس على يلي مابيعترف بغلطوا.. و بيحاول إني يصلح غلطوا
|
طيب أوكي، منيح إنه ما في شي بينك وبينو (في ناس بتعتقد إنه المثليين لازم ينقتلوا!) بس كمان مرة بقلك إنه ما بحقلك تحتكر الحقيقة لنفسك، وتستعمل نظرتك للحقيقة لحتى تحكم على الزلمة. يعني حضرتك عم تحكي "الناس الطبيعيين" بيفكروا متلك وكأنه باقي العالم الي آرائهم مختلفة مو طبيعيين، وهاد الكلام مو صحيح أبدا. أنا مثلا بعرف إنه رأيي بيحتمل الصح والخطأ، وبيعمتد على العلم في تقييم وضع المثليين، فطالما العلم ما قدر يثبت مضار المثلية أو يعتبرها مرض، ما بقدر أعترض عليها، وإذا العلم أثبت هالشي فرح يكون إلي وجهة نظر تانية، بينما إنت، مع احترامي، كلامك كله من مرجعية دينية وحديثك عن الأخلاق ذات الشي برضه. برجع بكرر كل شي بالأخلاق نسبي ومو ضروري نظرتك تكون صحيحة أو ملائمة للجميع. 