شو القصة شو الرقم أربعة رقم سحري أو شي... يا عيوني الزلمة قصدو أنو الزلمة يتزوج مرة بس
بس سبحان الذي خلقك شو فتحة وذكية
اقتباس:
كاتب النص الأصلي : maged-syrian
بالنسبة لهالنقطة ... طبعا مابيخفى على اي شخص ان الدين الرسمي للجمهورية العربية السورية هو الدين الاسلامي باعتبار انه اكتر من 85% من الشعب ديانتهم الاسلام .... وطبعا بالشريعة الاسلامية بيحق للرجل يتجوز 4 نساء ... وبما انه اكثر من 85% من الشعب دينهم الاسلام فماراح تقدر تلغي هالتشريع باعتبار اكتر من 85% من الشعب موافقين على هالتشريع .. معتمدين بهالامر على شريعتهم ومراجعهم الدينية ... اما لو كان هذا التشريع من صنع الدولة ساعتها اختلف الوضع 180 درجة ... مشان هيك فوضوي ضع بحسبانك انو هالتشريع موافق عليه اغلب الشعب باعتباره تشريع ديني بحت وماحدا بيقدر يمس اي تشريع ديني او يلغيه طول مااغلبية الشعب يدينون بدين هذا التشريع .. وبيعتبروه خط احمر ..... خلينا نكون بهالامور واقعيين شوي ونرضى بالامر الواقع ... طبعا بالنهاية يلي بدو يتزوج اربعة نساء بدو يكون هاد الشيء عائد لموافقة النساء يلي بدو يتزوجهم مع العلم انه اصبح من النادر جدا بهالزمن تلاقي رجل متزوج اربعة في سوريا ...
تحية ..
|
لأ يا حبيب إذا كان دين 99 بالمية من الشعب هو الإسلام فهاد مو معناه أنو الإسلام دين للدولة لأنو الي بيخلق مسلم متل ما حضرتك بصفتك متدين بتعرف أنو ممكن يكون ملحد أو مؤمن بدين تاني بس هو ما رح يغير هالشي بالأوراق الرسمية... بعدين أصلاً ال85 كتير كتار لأنو الدروز ما عندون تعدد زوجات وكمان طوائف تانية فمن وين لوين صاروا مع هاد القانون... الأغلبية بسوريا مو أغلبية دينية... أغلبية إجتماعية اللي عجبو الوضع هيك أهلا وسهلا واللي بدو يقسم الشعب السوري لطوائف بعيدة عن شواربو... أو شواربها
بعدين كيف ما حدا بيقجر يمس هي التشريعات؟؟ ليكنا عم نشرب ونسكر وما حدا إلو عندنا..
وشو ما كان رأي الدين.. تعدد الزوجات فيه إنتقاص من العدالة الإجتماعية وبتونس مثلاً تجاوزوا الموضوع ومنع تعدد الزوجات فشو المانع طالما مجتمعنا بلّش يتطور من أنو الدستور يلحقو شوي؟