[samsoum]

كاتب النص الأصلي : أبو عقييد

أخي و حبيبي و معلمي و تاج راسي Samsoum نحنا ماجبنا سيرة الأديان هي اولا نحنا عم نحكي كعرب تانيا حبيبي في علماء تقول نصف العلم لا أعلم بمعنى انو يا استاذي الكريم يعني أرجو أنو ما تزعل مني بهالكلمة أنو أنت ما بتعرف عن الدين الإسلامي بمايكفي أو الدين المسيحي لأنو العمل عبادة في ديننا الإسلامي و حتى العمل مطلوب عند سيدنا المسيح فيمكن أنت إلك وجهة نظر تانية بس أنا حبيت نوهلك بهالنقطة أنو الدين الإسلامي يدعو و يحث على العمل و عدم ضياع الوقت ولو حبيت تستفسر ممكن تفتح أي موقع إسلامي أو مسيحي و شكرا إلك و لك كامل محبتي و تحياتي يا طيب

شكرا لردك اللطيف
بس انا ماذكرت هون الدين كسبب، من قبيل انو الدين غلط..لا ابدا..انا احترم كل الاديان..وكل واحد حر بدينه.. انا اصلا لأني ضد ادخال الدين بكل كبيرة وصغيرة ذكرت هالشي، وهذا واضح تماما بردي السابق بتمنى ترجعله.
وانا مابيهمني اذا كان الدين الاسلامي او المسيحي يحث على العمل اولأ.. وحضرتك هون وقعت بنفس المطب اللي انا ذكرته سابقا.. بمعنى.. انو العمل شيء بديهي انا بحاجته ولازم اعملو لحتى اكل وعيش ..وما في داعي اني انتظر تعليمات دينية اوغير دينية لحتى تحثني عالعمل.. و شوف مثلا دول اروبية كتيرة مثل ألمانيا وفرنسا وسويسرا والدنمارك والسويد وغيرها التي تعتبر من الدول العلمانية لوين وصلت، مع انو شعوب هالدول بمعظمها غير متدينة، وشوف شعوبنا اللي بكل شيء بيحشرو الدين بالعمل وبالنوم والاكل وحتى بسرير الزوجية.شوف لوين وصلنا.. بدليل انو هالموضوع هذا تحديدا هو عنهم وعن تخلفهم..او عنا وعن تخلفنا.. متل مابدك
بتمنى تكون فهمت قصدي.
وتحياتي الك