[نيرفانا]

[quote=GMC;559791]يا مرحومة البي و بلا طول سيرة

الجريمة السياسية بمفهومها القانوني تعتبر سببا في منح المعتقل ظروفا أفضل من نظيره المسجون لأسباب جنائية أو مدنية في معظم قوانين العالم
يعني شو بدي قليك بكل بلاد العالم التالت المعتقل السياسي بكون فرصة للأنسان يلي هوي بيعتبرو غلط انو يقدر يصلح غلطو ويتعلم ضمن جو نظيف خالي من شوائبنا ( حسب مفهوم الحكومة اي الأنسان غلط بتصرفه هذا )

تتجسد معاملة الفروع الأمنية المختلفة - التي تتولى مسألة الاعتقال والتحقيق - مع معتقلي الرأي والضمير، بنقطتين أساسيتين : معاملتهم كأشخاص لا حقوق لهم من جهة ، وتجريدهم من إنسانيتهم عبر معاملة تتقصد الحط من كرامتهم بشتى الوسائل. ويعتبر احترام الكرامة الإنسانية من الحقوق الأساسية التي يتوجب حمايتها للمعتقلين والسجناء كافة .

تنص المبادئ الأساسية لمعاملة السجناء التي اعتمدت من قبل الجمعية العامة للأمم المتحدة عام 1990 على أنه "1. يعامل كل السجناء بما يلزم من الاحترام لكرامتهم المتأصلة وقيمتهم كبشر".
هاي اذا حدا بيعرف وينو او اذا بالاصل معتقل ....

يعتبر الاختفاء القسري للمعتقلين السياسيين في سورية من بديهيات الاعتقال، في معظم الحالات لا يسمح للعائلة بالسؤال عن المفقود، أو يتم إنكار وجوده في الفرع المعني، وقد يستمر ذلك شهورا أو سنوات.

>>فقد نصت القواعد النموذجية الدنيا لمعاملة السجناء (1977) على أنه :
7. (1) في أي مكان يوجد فيه مسجونين، يتوجب مسك سجل مجلد ومرقم الصفحات، تورد فيه المعلومات التالية بشأن كل معتقل:

• (أ) تفاصيل هويته،

• (ب) أسباب سجنه والسلطة المختصة التي قررته،
  (ج) يوم وساعة دخوله وإطلاق سراحه.
  (2) لا يقبل أي شخص في أية مؤسسة جزائية دون أمر حبس مشروع تكون تفاصيله قد دونت سلفا في السجل.<<

عيش يا كديش .....

اما عن مصير الشاب او الشابة بعد المعتقل الخيالي يعني من مجاميعو :
بعد ما يكون شاف الله بالألوان و تكهرب و فتل عالدولاب و شاف نجوم الضهر بكون قاعد بالانفرادي بيجي الحارس بقلو " يا فلان افراج " ومع هاي الكلمة الأنسان شو بيعمل بيفرح ؟ بيزعل؟ بيفرح لأنو راجع لعند اهلو ورفقاتو , وبيزعل لأنو رح يضطر يسكت عن شي ما قدر يسكت عليه من قبل و الأنسان يلي عندو مبدأ بالحياة ما بيسكت عنو ولو على قطع رأسه طيب مافي حل بدو يطلع من المعتقل طلع هيك وقف خارج المعتقل و ناطر تكسي او باص بوقف بيتطلع بالسما وبروح عالبيت اهلو بيستقبلو برحابة صدر و بيرجع لشغلو بلاقي معلمو او الدائرة الحكومية مقلعتو من الشغل بدو عشغل ما بلاقي بسافر لبرا ( هاي اذا قدر يسافر ) و بيطلع وزير الخارجية بقلك نسبة البطالة والمغتربين عم ترتفع لازم نلاقي حل و الحل عن هيفا بالتخت .....

حاج حاج خليني ساكت







يعني النقاش عقيم ............والتفكير بالموضوع بلا جدوى..........ولازم نلاقي حل.....طيب بتعتقد إنو وضع المعتقل بالوقت الراهن رح يكون أفضل من الأيام الخوالي ؟؟؟؟ وليش؟؟؟