قالتلي مليّت
قالت لي مليّت .. ودي بأحد غيرك
جمّع جروحك .. لمّلم مشاويرك
وإذا قضى صبرك .. جّرب صبر غيرك
لو أشغلك وعذبك طيفي .. ابكي
وإذا بكيت أُكتب بدمعك شعر .. اشكي لمراسيلك
وبوعدك إذا صرخ جرحك ونادى .. دمعتي تنزل عليك
بضحك على أيامي معك .. وآخذ على غدري عهد مايخلص لغيرك
أعذرني .. مليّت
ماتبيني .. ملّت الصدق المشاعر ..
يانور أيامي وسنيني اللي مضت
يالظلام اللي بيديني ..
مابقى فيني بقايا اتركيني
سل الحزن لغدرك خناجر .. ومالقاني فيني
وجرحي نادى .. يامحاجر الدمع مايكفيني
ضاعت بداياتي .. بديت نهاياتي .. واسأل اجاباتي ..
هو أنا اخطيت ؟!
هو بقى في اللي بيجي ياليت .. ؟1
ماتت اجاباتي
قالتلي .. مليت
يا أكثر جروحي الأخيرة ..
لو عرفتي اليوم قلبي ودعك
يا آخر جروحي الكثيرة ..
ماعرفتي اليوم ما عاد اذكرك
وما اذكر من اللي مضى .. الأ غرامك والفراق
و بعض اللقاء والإشتياق ..
وكل الاحاسيس الصغيرة ..
يابرد عمري و يا هجيره .. تخطين لو يخطر في بالك
إنك في بالي كل دقيقة ..
وإنك خيالي والحقيقة
واني احبك مهما كنتي ..
يابرد عمري وزمهريرة
إن كان قلتي إني فقدتك .. ماصدقتي
وإن كان قلتي مانسيتك .. ماصدقتي
لو عرفتي ماأذكر من اللي مضالي إلا إنتي
وما اذكر من اللي مضى إلا إنتي
وما اذكر إلا إني بكيت
وفي ليلة مافيها وفاء .. قلتيلي مليت
يا إنتي آخر أولي ..
لاتصدقي إني نسيت !!
ألقى الشاعر هذه القصيدة لأول مرة في أمسية البحرين 1995م.