زرع التحرير
لازِم تِعرَف يا محتَل ..... احنا مِين وانتَ مِين
نحنا هَيهات منِ الذل ..... وانتَ للذل عناوين
احنا لما الأقصى ينادي ..... لَو مِتنا عشاق شهادة
مِثل الشجر بأرض بلادي ..... بنموت ونَحنا واقفين
لازم تِعرف إن الأرض ..... انتَ علَيها بطُول وعَرْض
صارَت كل درُوبا نار ..... تِحبَل كُرْه تخَلِّف بُغْض
بنقاوم للنهاية ..... ولِلحَق بنرفع راية
ولا تفَكِّر إنتَ اللي جاي ..... نَحنا لعندَك جايين
لازم تِعرف إن الشعب ..... صارت أحلامه بْهَالدَّرب
صارت إِيدَيْن الأطفال ..... سيوف بوجهَك يومِ الحَرب
تغيَّر لون الدم وصار ..... لونه أبيض نور ونار
تَيْنَوِّر درب الأحرار ..... اللي عالحُرِّية متفقين
لازم تعرَف جاي نهار ..... بدنا نحرِّر موطنَّا
نحنا نبقى أهل الدار..... وانتَ تِرحَل مِن عَنَّا
مشينا وفيها عزم كبير ..... يا أقصانا مهما يصير
راح نقطف زرع التحرير ..... ونِرجع بُكرة منتصرين
J.S: Death is the solution to all problems. No man = No problem.