حب و
من شي اسبوع كنت انا وخطيبتي (ديانا ) عم نتمشى الصبح على شط البحر باللادقية وبلشت انا غازلة وعبرلا عن حبي وعن مشاعري المدفونة فقلتا وجهك متل اشعة الشمس الأولة ناعمة وظريفة فطلعت فيني وقالت ليش دخلك انت بتعرف كم بدء اشعة الشمس حتى توصل على الارض ؟ ؟؟؟ لك ياحبيبتي شو بدك بالحكي هادا . وضلينا ماشين بعدين شفنا تنين شباب عم يتقاتلو ليش مابعرف راحت قالت: أوووف شو مافين عقل مافي قانون . قلتلا شو بدك الحق للاقوى وكأنا بغابة . قالت: طيب يافلاطون مين صاحب مقولة الحق للاقوى ؟؟؟؟ شو هالبنت دوشت راسي حاس حالي كاني ماشي مع مديرة مدرستي بالابتدائية. بعدين رجعنا على البيت وبالليل حبيت احكي وحاول فهما اني فهمان فقلتلى انتي حلوة وامورة متل القمر . اجت قالتلي هلا انت بتعرف شو هي مراحل القمر ؟؟؟؟ بعدا جنيت وصرت صيح وصرخ فية وقلتلى انتي بتعرفي شو معنى أسمك (ديانا ) ؟؟؟؟؟؟؟؟؟؟؟؟
وهي قصتي شو رايكن
امانة مين فيكن قادر يجاوب على خطيبتي ويعطيني الاجوبة مشان بيض وجهي قداما الله يبيض وجهكن
آخر تعديل nawrasdr1982 يوم 30/07/2009 في 19:33.
السبب: هيك اجا على بالي
|