باشق مجروح
أسئلة سريعة :
1- اللحظات المفضلة والمحببة لقلبك؟
لما بكون عم بسمع موسيقى أو عم بعزف موسيقى أو لما كون مع حبيبتي
2- من شو بتخاف؟
من الموت
3- لأي حد انت جرئ ؟
كتير.. بس مو متهور.. في ناس بيقولو أني مجنون أحياناً..
4- مجتمعنا سئ شو عملت لتغيرو كعضو منو؟
بدأت بنفسي وعائلتي وأي فرضة للشغل عالمواضيع المهمة.. متل قانون الحضانة
5- كيف رح تربي ولادك ؟ أي نهج بالتربية ؟
ما بعرف لهلق.. بس رح حبهن واهتم فيهن وأعطيهن مجال يختارو قد ما بقدر
6- قولك في شي ممكن يتغير بحياتنا ولا الأمور مظلمة وهيك رح تضل؟
أكيد في شي رح يتغير.. بس مو لحالو
7- شو بتحس لما بتشوف مسؤول عربي عالتلفزيون عم يكزب ؟
ما بحس شي.. بضحك كتير او بغير المحطة
8- مين من بين هالأمة شخص عايش وموجود بيعنيلك وبتحبو وبتصدق خطابو ؟
لو مجاوب على السؤال من يومين كنت قلتلك جورج حبش.. بس هلق بقول زياد الرحباني
9- علاقاتك الغرامية ؟ لأي درجة وصلت بالحب ؟
إي كل الدرجات.. يعني أنا والبنت الي مرتبط فيها عشنا سوا.. لهلق يعني، ومستقبلي عم بحسبو على أساس علاقتي معها وهي نفس الشي
10- هل انت بتعامل الناس حسب قناعاتك ولا حسب متطلبات المجتمع ؟
التنين سوا.. بس ما بكذب أوبمثل.. براعي الناس مو أكتر
يعني ممكن تسمح لحدا من اخواتك او الي بيعنوك من البنات يوصلو بعلاقة كما انت بتحب توصل مع البنت الي بتحبها ولا لأ ؟.
يعني مو الشغلة بإيدي لاسمح أو لا هنن حرين بحالهون، بس إذا سألوني رأيي بقول إي طبعاً إذا الشب منيح
ميرسي الك
انا ما حبيت اسأل شي بالاشراف لأني بعرف الاجوبة مسبقا
هلا هلا
Abu Guzef
مرحبا حجي علاء
هي علاء تاني الله حيو العلاآت
هلا هلا
خود تسلا
هات لنشوف عطيني رأيك بالتالي :
-----------------
الإنسان
هو الحيوان اللي مو راضي عن حالو.. ذكي كتير لدرجة أنو وصل باختراعاتو أبعد ما وصل بوعيو.. ولهيك صار في عندو إشكاليات كتير
الله
من أذكى الأفكار.. بتساعد على التحكم بالناس وترهيبهم عن طريق إشعارهم بالأمان والاطمئنان
-------------------
الدين
هو الاسم التاني لأي فكرة ناجحة+الله.. الدين هو الفكرة الفلسفية اللي ما كانت تمر لحتى عملوها دين.. ووقتها الشعب لحقها
الطائفية
مرض.. بس المشكلة أنو مخبى وما حدا عم يناقشو على الملأ.. أكبر خطر بيهدد البلد
الإلحاد
الرفض للانصياع، الخروج من القطيع والاستقلال بالتفكير.. الخطوة الأهم على طريق الإبداع
العلمانية
الحل للطائفية... من أهم النظريات لأنو تبين أنو قابليتها للتطبيق أكبر بكتير من كل الأفكار السياسية التانية
---------------------------
السياسة
جاوبت عليه هاد
امريكا
بس روح لهنيك بقلك.. بس مبدئياً بقلك أنو أمريكا هي إعلام ضخم على شعب كتير معتم بس انهبل قد ما هبلوه.. صراحة بحس شخصية المواطن الأميركي والسوري قراب على بعض أكتر من الأوروبي
سوريا
حبيبتي التاني، يمكن الأولى أحياناً.. المكان اللي كل شي بيلتقى وبيحكي.. موسيقى كتير، فيروز، الزحمة بالبحصة وبكل الشام.. الصحراء والطبيعة الخضرا.. الخليط من كل شي وكل الناس وكل البيئات... وما بخلص بسنة إذا بدي ضل احكي
العراق
الجار اللي انعطب.. هربوا أهلو لعنا وما عرفنا ننظم وضعون لأنو نحنا مو عرفانين لوين بدنا نهرب.. غرق بالطائفية والجيوش والمخابراتات... بس أهم شي بالنسبة إلي أنن نهبوا المتحف.. يا شباب هي جريمة كبيرة كتير
الجولان
الأرض اللي كبرت قصتها..راحت ما في نقاش.. لازم ترجع ما في نقاش.. كيف بدها ترجع؟ هون النقاش..
--------------
مين اقرب واحد الك هون
في كتار.. وجاوبت أصلاً عالسؤال شريك
مين ابعد واحد
سيكيولار.. مع أنو اسمو كتير قريب على أفكاري!
معك 5 وردات لمين بتهديهون
إلك وللحكيم ولريمي (تعزية) ولياسين (شريكي بالمنبر) وللشباب المعتقلين
وخمس شوكات لمين
الكل بهديهون لكل الطائفيين بالعالم
معك 200 الف دولار لمين بتعطيهون غير انو انتي
لرفيقي مشان يسافر ويشوف حياتو
شو سيارتك
عندي بسكليتة وبركب مكرو
وكم حادث سويت
كتير.. بس ما انكسرت البسكليتة ولا مرة
شو اول سيارة كانت عندك
بسكليتة أم 3 دواليب
-------------------
كلمتين منك لاخوية
حبو بعض.. لأنو مالكن غير بعض
شو عطتك اخوية
قلت قبل
شو اخدت منك ( غير الوقت )
ما أخدت مني غير حكي ووقت
-------------
تكنولوجيا:
_________
شو نوع موبايلك
موتوروللا c118 يعني ما في أي مواصفات
شو اخر رقم بموبايلك
0
كمبيوترك مواصفاتو عالماشي
حالياً أنا بالنت.. الكمبيوتر اللي بستخدمو للشغل بالتصوير هو ماكنتوش laptop2007 iBook يعني شي خارق بس ما بستخدمو لأي شي غير الصور.. وهو غلي ولحبيبتي
شو سرعة النت عندك
حسب النت.. بس إذا بالبيت بيكون شي 10 أو 12 لأنو خط 190
--------------
عالماشي
__________
شو نظريتك بالحياة
نظريتي بالحياة.... أنو إذا ما عملت اللي بدك ياه مستحيل تعيش حياة منيحة لأنو رح تضل تقول بس لو
شو بتعنيلك الحياة
جاوبت قبل
قديش معك بالبنك
ولا ليرة
مممم
بس بيكفوكي هدول راجعلك
رجعت
مقارناتتت.
شاي أخضر ولا أحمر
أحمر.. إيرل غراي
قهوة ولا نسكافه
قهوة
ميلو ولا كاكاو
كاكاو
عرق ولافودكا
عالمود.. بس مبدئياً عرق
نبيد مز ولا حلو
مز
فوكس ولا هنكن
هينيكن مع أني بفضل الشرق أو شي بيرة بلجيكية (جوبلير)
ريد لابل ولابلاك لابل
بلاك
ويسكي ولا كونياك
كونياك
وينستون ولا لوكي
وينستون مع اني ماااا بدخن
مرسيدس ولا بي ام
بي إم
لوس انجلس ولا لاس فيغاس
نيويورك
ماي سبيس ولا هاي فايف
ما بعرفهون.. يعني سمعان فيهن بس مو متعرف شخصي وما بدي
دودج ولا فورد
دودج يا حبيب
انا ولا هوي
مين هو؟؟ أه.. لا أنت أنت
لاب توب ولا كمبيوتر مكتب
لاب توب
نوكيا ولا سوني اركسون
سوني إريكسون
كيا ولا سابا !
كيا
انا مساويلك شي؟
انت بتكرهني شي؟
ليش آخر مرة تخانقنا؟
شريك هي القصة كتير بسيطة.. نحنا تخانقنا بسبب سوء تفاهم.. الموضوع صار بشكل غلط وما المفروض نتخانق..
أكيد ما بكرهك، ولانك مساويلي شي، حتى يمكن أنا مساويلك شي.. وفي حال لهلق أنت حامل انسى الموضوع خيو أنا بعتذر..
شو بتقرأ أكتر شي بأخوية
مشاركاتي
.. لا عن جد بقرا الكتب بالمكتبر والمجتمع
وإزا طلع في جنةونار
وقالولك لازم تاخد معك7 من أخوية
مين بتاخد
لوين عالجنة ولا النار؟
شو تعريف الروح؟
بدك تسأل حدا مقتنع بوجود الروح
إزا صرلك شي وماعاد تفوت ع أخوية بعيد الشر يعني شو بتوصينا
كافحوا الطائفية.. وحبو بعض
شوتعريف الحشيش
هو نبات ينمو في أماكن مختلفة من العالم.. بسوريا أغلبو بيجي من لبنان يدخن فيؤدي إلى الزهزهة أو السرد أو التسطيل... إلخ
وكيف يتم تمييز النظامي عن المروكب
عالطعمة والتأثير ووجع الراس بعد ما تخلص التحشيشة
بس ليش عم تسألني أنا عالحشيش يا أخي
إزا شي يوم ندق باب بيتك وقلت مين ونقال انا ابوجوزيف شو بتكون ردة فعلك
بقلك شراب قهوة وهات سيجارة
