يوميات مواطنة
اليوم الأحد
التاسع من رمضان 1430 هجري
الثلاثون من آب " أغسطس " 2009 ميلادي
" شصار بالدنيا؟؟!!! "مواطن عراقي , رجال كاسب اذا يشتغل يومه ياكل ماكو شغل ماكو اكل..يلكة نفسة هو وعائلته- زوجتة وخمس بنات شابات - واغراضه بالشارع..ليش؟؟لان صاحب البيت رجع من سوريا ويريد البيت ولان يعرفله كم واحد بالحكومة على كتافة فد كم نجمة وما اعرف شنو..راح بيها الرجال المسكين وعائلته!!ظابط مقر قوات الامريكية الي بنص المنطقة شهد الموضوع..اجه للرجال وكله :اخذ هذا -البارك - جزء من موقعنا و حطلك خيمة تلمك انت وبناتكوظل الرجال بهلخيمة لسنة كاملة من ذاك رمضان الفات لحد رمضان هذا - يمكن راح تسالون وشلون بالنسبة للمرافق الصحية- ؟؟كانوا يستخدمون الحمامات العمومية الخاصة باحد العمارات السكنبة القريبة!!!الله واكبر.. اخوي العارقي يذبني بالشارع والامريكي- اليهودي المحتل الفاسق- يلمني!!!!!
أدري شصار بالدنيا؟؟ ولكم الفلوس وسخ دنيا.
لستُ بجسدٍ تسكنه روح.
بل
ثلاثة أرواحٍ
و عقولٍ
و قلوب
جزئها المرئيُّ الصغيرُ
جسدْ.
http://evandarraji.blogspot.com/
|