[نيرفانا]

كاتب النص الأصلي : كهربجي مثقف

كل ما تجي سيرة الدين أو الله

أو الدولة (الديمقراطية مثلاً) أو المجتمع (الشرف مثلاً)

بتهفّ رياح الإيمان على ناس وبيبلشوا يقطعوا أي جسر تواصل.. مو بس هيك

بتهف الرياح الطائفية، والمذهبيّة و و و

يعني بالمحصّلة يوم عن يوم.. حوار عن حوار عم بكتشف أنّو الدين بيمنع الحوار.. طبعاً بيضلّ في أقلّية عندها شي أهم بحياتها من القتال مشان الدين مع أنها مؤمنة وهي بتسمح للكل أنّو يتحاوروا لأ وأحيانا بتكون بتحاور أحسن من كتير ناس..

على كل حال أكتر شي زعجني هو مثلاً لمّا بينط واحد بيقول (أستغفر الله العظيم) لمّا يكون الحديث عن العلمانيّة أو (لا حول ولا قوّة إلّا بالله) لمّا الحكي بيصير عن جرائم الشرف... يا أخي ما حدا حرم حدا من حقّو بالعبادة.. بس أكيد رح يكرّهنا برب الدين لمّا بيجي بيقول (أنت بس جرّب الإيمان و بتشوف) أو (هي مرحلة بيمرّ فيها كل الشباب أول طلعتون)... يعغني مستضرطنا و معتبرنا بلا مخّ!!!

ببساطة واللي لاحظتو إنو المتدين بيعتبر الملحد شخص قانط وعم يمر بظروف صعبة خلتو يوصل لمرحلة الكفر بوجود الله(ومع احترامي رأي بــــــــــــــــــــــ هوي).

السؤال الأهم هوّ... يا ترى كيف ممكن تعمل حوار مع المتديّن اللي مرجعيتو (سماويّة) وأنت مرجعيتك (بشريّة)؟؟

وإنت إلتا مرجعيتو سماوية وبرأيي الحوار مستحيل يتم بين شخص بآمن بالغيبيات وعندو رادع وخوف من شي إسمو الله لأنو الخوف بحد ذاتو بشكل حاجز أمام هاد الشخص وبيمنعو حتى إنو يتسائل حتى بينو وبين نفسو فما بالك إنو يخوض نقاش علني ، هاد عداك عن إنو غالبية المتدينيين بتشوفون نشأو ببيئة بتفضل الدين عن العلم
بالوقت نفسو يللي الملحد عم يطلق العنان لعقلو وعم يحلل ويناقش ويحاول يثبت وجهة نظرو من دون رادع أو مانع
يعني ممكن يصير هيك حوار؟؟ وكيف؟؟

برأيي ما ممكن يصير هيك حوار وهاد يللي صوتت على أساسو. ومشكور