[DARKNESS]

كاتب النص الأصلي : Urhoy

الظريف أنو أحياناً الناس يلي ابتعدت عنها بتكون هي كمان اتغيّرت بنفس النمط الي أنا اتغيرت فيه، ومع هيك بيستغربو أو بيحسّوني انا بس الي اتغيّرت. وهاد شي طبيعي لأني كنت بعيد عنون وبيتذكّروني متل ماكنت بآخر لقاء.



التغيير حلو وضروري لما يكون ضمن مفهوم التنّوع بالتفكير واتساع الافق... كلّ الناس بتتغير بشكل أو بآخر بنسبة ضئيلة أو كبيرة، بس يمكن الشخص نفسو -أو الناس الموجودة حواليه باستمرار- ما يلاحظو هالشي.

بالنسبة الي، أنا شخصياً مع انّي لاقيت بكتير أحيان صعوبات بالتواصل مع ناس بحبها كنت غايب عنهم أو غابو عنّي، بس مع هيك وبسبب العلاقة القوية الي كانت تربطنا ما حسيت حالي غريب عنهم. لهيك، أي فيني أرجع أتأقلم لأنو غالباً بيكون في كتير أشياء وأوقات حلوة لازم نعيد احياءها بعد الفراق



أكيد مو شرط التغيّر يكون بعد غياب برات البلد، ومو شرط يتحول المغترب لإنسان عملي وابن البلد يضلّ صايع، والمزوحيّة مالا علاقة بالعمليّة وبلد الغربة موشرط يكون بلد عملي أكتر من بلدنا
بشوف كتير ناس بالغربة بيرجعو بتفكيرون شي خمستالاف سنة لورا

معك حق يمكن انا اخد تفكيري الشغل بما اني متغرب للعمل و بردي يمكن كنت اتذكر ايام ما كنت صيع بالشام بالرغم من انو كنت اشتغل بالشام و مبسوط

لانو كنت كل يوم روح يا عا باب توما يا بالشعلان يا عا قاسيون و حياة حلوة يعني فيك تصيع و تشتغل بينما برا ما بيعود في هالجو لانو ما ضلو حدك رفقاتك و ما ضلت هالاماكن اللي كنت ترحلها

و عجبتني وجهة نظرك بالنسبة لانوا حتى العالم اللي بتشوفك تغيرت بتكون تغيرت بالنسبة لالك و هاد الحكي مزبوط بس هنن اللي بيكونوا حاسين انو انت اللي تغيرت و ما بيفكرو بحالن انو هنن اللي تغيروا

التغير حلو و ضروري و لا بد منو بس بيكون حلو وقت بيكون تغير نحو الافضل مو تدهور نحو الاسواء


سلام