[Marooshe]

كاتب النص الأصلي : gabriel

باعتبار اننا وصلنا لطريق مسدود بدي قول اللي عندي واللي بحب يضيف اهلا وسهلا

تعدد الزوجات وتعدد الأزواج كان موجود بالحياة الجاهلية كنوع من انواع الزواج المعتمد متله متل زواج الاستبضاع وزواج المبادلة زواج الاقارب ....... الخ واذا بدنا نحكي فيهم ما منخلص .

بالنهاية كان الزواج موجود لبشر سكنوا بالألفية الأولى ميلادي بحيث كان بيتناسب مع مقدار ثقافتهم ومقدار وعيهم وبالتأكيد كان مكتوب لفكرة تعدد الزوجات الضمور والزوال كون الطبيعة البشرية بشكل تلقائي بترفض الأفكار اللي ما بتتناسب مع تقدمها .

لكن بسبب اعتماده باحد الديانات وبسبب تطبيق اتباع تلك الديانة التعاليم بحرفيتها بعده منتشر لحد اللحظة وبشكل طبيعي .

فشوشفوا كيف بدها تزبط المعادلة هلق
انا من جهتي حتى اتقبل هي الفكرة = انا انسان عايش بالقرن السابع ميلادي
وشعبنا العتيد ما حيصير متحضر الا وقت بصير يفكر متل سكان القرن الواحد والعشرين بس طالما الافكار المتناسبة مع تفكير القرن السابع الميلادي بعدها منتشرة فالانسان المذكور بعده عايش مع جماعة السابع ميلادي لأن تفكيره ما اتطور بهاد المجال وبالتالي على الدنيا السلام .

بس يفكر الانسان يحاول يعيش مع العصر الحالي يبقى يخبرني مشان ابدى شوي اتفائل بالحياة لأني حاليا رافع شعار جبران خليل جبران " الحياة امرأة عاهرة " .

ودمتم في القرن المذكور .

وانا بضيف على حكيك غابي...
انو العالم يلي بيتزوجو اكتر من وحدة بيتصنفو مع العالم يلي بينظرو للمرأة وكانها سلعة... غير انو اللوم لكبير بينحط عليهن...
بس اللوم الاكبر بيجي على الاهل هذا لانو في اماكن معينة الي البنت ما الها فيها اي كلمة او اي اعتبار...
وكمان على الدولة... يلي اصلا سامحة بهاد الشي...
يعني ازا الاهل ما قالو لبنتهن "ظل راجل ولا ظل حيطة" وزتوها على مين ما كان...ما بيعودو هدول الرجال المتخلفين... يقدرو يتزوجوهن لهلبنات...
وبالتالي بتقل نسبة تعدد الازواج...
وكمان ازا الدولة نصت قانون بيمنع وعاقبت ... برضو النسبة راح كتير تقل...

فبتصور انو احنا كمجتمع مدني اليوم... كمان النا دور كبير في التأثير والتغيير المجتمعي... ولازم دايما يكون عنا الدوافع انو نشتغل ونعطي مجتمعنا لنروح سوا نحو عدالة اجتماعية وانسانية