يا اخي بطرس ..
في الاسلام عندنا مافي فرق بين حدا وحدا ... وهدول يللي عمبيحكوا بالموقع مسلمين متطرفين.
صدقني لو تقرا عن سيرة النبي محمد، مش حتلاقي اي شي اسمه سنة ولا شيعة، وقال" من كفر مسلما فقد كفر" ... يعني اي واحد بيشهد ان لا اله الا الله، هو مسلم ، وما من حق حدا يقول غير هيك ... هادا شي بينو وبين الله.
بس هلا الطائفية منتشرة بشكل كتير كبير .. خصوصا في الخليج... وعلى فكرة ، مو بس سنة و شيعة ، لسا في طوائف تانية، زي الوهابيين وغيرهم.. وكل طائفة بتفكر حالا الصح والبقية غلط، وصارت العدائية والحقد بينهم بشكل كبير، لدرجة انهم صاروا يقتلو بعض زي ما عمبيصير بالعراق.
والمشكلة ... انو هدول الناس عم بيشوهوا صورة الاسلام ... وصاروا الناس يفكروا انو الاسلام هيك ... مليان حقد وكره.
صدقني يا اخي.. الاسلام مش هيك بالمرة .. ولا حتى قريب من هيك....
النبي محمد كان مثال للاخلاق العالية والتسامح والانفتاح .. كان يعامل الناس كلهم زي بعض.. حتى اللي مو مسلمين اصلا ... وكان يقول "لا اكراه في الدين"...
مش زي ما عمبيعمل بعض الناس متل ابن لادن وغيره .. صاروا يقتلوا خلق الله كانهم حشرات .. ويحللوا قتل اللي مش مسلمين.. وكمان المسلمين اللي من غير طوائف ...
بس والله .. لسا في مسلمين معتدلين.. بيفكروا بالعقل ... ومتحسرين عللي عمبيصير بهالزمن... واذا عندك وقت .. بدورلك على شوية كتب معتدلة في الاسلام مافيها سنة ولا شيعة.. يمكن تغير رايك فينا....
