أول شي السعودية بلد يعني شعب
و احترام الشعوب واجب
و بغض النظر عن رأينا بشعبا و عاداتو و أفكارو و تصرفاتو فلازم ما نحكي عليها بالعاطل سواء بالتلميح أو التوضيح (هون أنا بعتب على الإخوة يلي تناولوها بشي من هاد)
و إنما بحق لكل بني آدم أنو ينقل الصورة يلي بشوفا عن هاد البلد
و لكن هاد الشي لازم يكون بدون الاعتداء على فخر إنسان يلي هووي بضل بلدو و لو شو ما كان
على كل حال بدي قول إنو التعرض للدول و الشعوب بالإساءة هووي مرفوض بشكل كامل من الموقع و سياستو، و هون أنا بدي إتفهم موقف الأخ أسير الحب لأنو معو كل الحق بالرد بهالطريقة لأنو الحديث هون على ما يبدو بدور حول بلدو و كلنا منعرف غلاوة الوطن على قلب كل إنسان شريف
و بتمنى من الأعضاء يلي بدون يشاركو ينتبهو لهاد الجانب الحساس
و شكراً لتفهم الطرفين
لطالما قلت أن الإنسان هو إنسان ما لم يتخلى عن كونه إنسان
لكني الآن أقول أن الإنسان يبقى إنسان حتى لو تخلى عن كونه إنسان، إذا بقي على وجه الأرض إنسان لم يتخلى عن كونه إنسان