اقتباس:
كاتب النص الأصلي : samsoum
يسلموا هالايدين يابيلسان الرائعة
على فكرة انا بعتبر حالي من المحظوظين لأني حضرت حفلة لفيروز في بصرى الشام، مو ممكن انساها بحياتي.
وكان عندي مجموعتها الكاملة لما كنت بالشام، و هللأ عندي معظم اعمالها، بس للأسف لسا في اسكتشات ناقصة، وبدي اسألك اذا موجودين عندك وكمان اذا فيكي ترفعيهن عنجد بتكوني احسن بيلسان بالعالم
السكتشات من اجمل مايكون، واكتر شي بيميزهن البراءة والاحساس بالطمأنينة اللي تعودنا عليها لما بنسمع صوت فيروز .
السكتشات هي
اسكتش حكاية الاسوارة
ضيعة الاغاني
بارود اهربو
هاتي لشوف فرجينا همتك
تحياتي  |
أهلين سمسوم
واضح انك عم بتنكشي عالشغلات الأنتيكة ( اللي انا بحبها
)
"بارود اهربو" و "ضيعة الأغاني" أول مرة بسمع فيهن
بس بحاول أنكش وبردلك خبر
"حكاية الإسوارة" موجودة وهيي 9 مقاطع تفضلي يا ستي
في أكم مقطع طلع حجمهن أكتر من 5 ميغا ( يعني بينفعوش للتحميل )
رحت ضاغتهن انشالله تكون جودة الصوت ما تأثرتش كتير عالضغط
حكاية الإسوارة حلوة كتير .. صبية بتنهدى إسوارة من ختيارة طيبة عايشة وحيدة .. بيغارو منها صبايا الحيّ وبيتغامزو عليها بدهن يعرفو شو القصة .. هيي قصة بيت ربّى ولادو عالحب وإسوارة عم تتنقل من إيد لإيد رمز للحب ..
الحوارات ممتعة كتير ومليانة خفة دم .. قسم من غناني السكتش معروفين منيح
مدتها حوالي تلت ارباع الساعة
1. وطى الدوار
2. بيتك يا ستي الختيارة
3. يا كرم العلالي
4. رقصة غيرة
5. يا محلا ليالي الهوى
6. شو عم تحكو
7. هونيك في شجرة
8. يا ريت إنت وأنا بالبيت
9. سعيدة
ولدت هنا وأموت هنا .. الأرض لنا