[Abu ToNi]

اول شي بعتذر من صاحب الموضوع عن الرد الأول لأني دخلت بالحيطان وقت شفت وثائقي واوسكارومدري شو

كون حجم الفيديو كتير كبير بالنسبة لخطوطنا الرهيبة اللي بأحسن احوالها بكون الداون لود فيها 5 كيلو بالثانية قررت اني نزل الفيديو واعمل متل ملخص عن الحلقات وادعم الملخص بالصور بمحاولة نستعيض عن الفيديو مشان بقية الأعضاء .
الفيديو اللي محطوط فوق هوي منقول من قناة dbb الأميركية
للمحطة احد برامجها واللي بسمى 30 يوم 30 days تقديم Morgan Spurlock

فيه بتبعت احد الاشخاص او المتطوعين ما عندي فكرة كيف آلية اختيار الأشخاص تبعتهم حتى يقضوا 30 يوم بمكان بتختاره المحطة حتى يعيشوا تجربة لمدة شهر كامل لمراقبة أحدى العادات او التقاليد او الشعوب ،
اختيارهم بالحلقة هي كان حول الاسلام والمسلمين والشخص اللي اختاروه هو مسيحي من فيرجينيا
بالبداية بقدموا متل لمحة بسيطة عن الاسلام كيف ان الشعب الأميركي كان سابقا ما بيمتلك اي صورة عن الاسلام وما كان حدا بيوعى على ناس اسمهم مسلمين كانت افكارهم بتنحصر بانهم فئة من الناس بتعيش بالصحراء بتهوى الرقص وتربي الأفاعي

الا انه في القرن الواحد والعشرين وأصبحت الصورة مختلفة جدا وتحولت إلى هذا الشكل

اسطورة العربية المرتبطة بعلاء الدين والبساط الطائر

تم استبدالها بطائرات 11 ايلول

والآن العديد من الأمريكيون يمتلكون اسئلة جديدة ومتزايدة عن عقيدة الاسلام
بعد المقدمة بيطلع المذيع حتى يبدا برنامجه بحلقة المسلمين في اميركا وبقول :
بسب احداث 11 ايلول بدئنا نسمع بكلمة اسلام
الاسلام هو الدين الثاني انتشارا حاليا في العالم و 1.5 مليار في العالم

بعدد 6 مليون في اميركا

من هم هؤلاء ؟!
ما هي تعاليمهم ؟!
بكمل المذيع وبقول بدنا ننتقل إلى ميتشيغان حتى نعيش نعمل نأكل وننام مثل المسلمين
بيعرضوا اجزء من احداث 11 ايلول
الشخصية اللي اختاروها اسمه دايفيد ستايسي من شارلسترون اللي بتقع في غرب فيرجينيا

دايف اب لفتاة متزوج عمره 33 سنة مسيحي ممارس لمسيحيته " تعبير غبي بس هاد اللي عبيخطر على بالي "
قبل ما يتم ارسال ديفيد بالمهمة جلس مع المذيع وسأله وقت بقول لك كلمة مسلم او اسلام شو اللي بتتخيله !؟
الجواب : بتخيل امرأة متحجبة

تضع غطاء على وجهها ستار

رجل مسلح يحمل ( ما قدرت افهم شقد رقم السلاح بس هي صورته )

وبركز المذيع على فكرة انه مسيحي يمارس مسيحيته
وبيعطيه مجموعة من القواعد اللي لازم يلتزم فيها كونها خاضع لتجربة البرنامج
القاعدة الأولى انه بده يعيش مع عائلة مسلمة وبدك تشاركهم عاداتهم وتقاليدهم
القاعدة الثانية بدك تدرس القرآن
القاعدة الثالثة بدك تظهر بشكل انسان مسلم وبيعطيه كيس فيه عباية
" عبضحك لأن صاحبنا بينصدم وقت بشوف العبائة وبيمسكها " ساميلي عبيضحك "

بينزل عند زوجته بتقول له ما عرفتك !!!!!!
وكأنك مانك انت !!!
بودع ديفيد زوجته وبينطلق برحلته اللي بدها تستمر 30 يوم
بيوصف تجربته بالمطار بانها غريبة جدا

وبقول من المذهل كيف ان الملابس بتغير نظرة العالم إلى الشخص
عند اول نقطة تفتيح بوقفوه وبيطلبوا منه خلع حذائه للتفتيش

بعدها عملوا متل استطلاع رأي بالشارع الأميركي منشوف المذيع عبوقف مع عدة من الأمريكيين من شتى الأعمار بيسالهم شو بيعني لك كلمة اسلام بجي السؤال ( الارهاب ) وبجزء تاني بقول لهم شو هوي الارهاب بيجي الجواب( الاسلام ) وفي اجوبة كانت غريبة فمثلا الاسلام جاوب احد الأشخاص ( ايران) الاسلام جاوبت احدى السيدات ( الرعب) !!!!
وبقول المذيع بالرغم من ان المسلمين ينتشرون بأميركا بشكل ملاحظ إلا ان العيدد من الامريكيين لا يعلمون شيء عن الاسلام ديفيد ليس مستثنى من هذه المعلومة
بينتقل دايفيد إلى احدى الجوامع حتى يلتقي الرجل اللي بده يستضيفه عنده بالبيت لمدة 30 يوم وبكون الرجل بلحظتها عبصلي

بيلتقي بالشخص اللي بده يستضيفه وزوجته

مشان ما حدا يروح فكره لبعيد الزوجة ما صافحته لديفيد
المضيف وزوجته اميركيان مسلمين من اصل باكستاني
طبيب وزوجته تدرس المحاماة
بحطوا له لقمة اكل وهنن عبياكلوا بيحكوا له عن معاناتهم بأميركا وعلى التمييز اللي عبعانوا منه خصوصا بعد احداث 11 سبتمبر وكيف ان الزوجة بسبب ارتدائها الحجاب عبتتعرض للتميز بالمجتمع بالوقت اللي ما بتعاني منه الامرأة المسيحية او اليهودية ,
بعد العشاء بيسلتم ديفيد نسخته من القرآن اللي بده يدرسها بحسب الشرط الثاني للبرنامج

وبوقلوا ان القرآن هو بمثابة الكتاب المقدس عند اليهود والمسيحيين
بينتقلوا لتعريف المشاهد شو هو الاسلام وشو هو مرتكزاته
بقولوا في 5 اعمدة بيرتكز عليها الاسلام
الأولى عبادة الله الواحد

الثانية الزكاة

الثالثة الامتناع عن بعض الماكولات

الرابعة السفر إلى مكة لأداء الحج

الخامسة اداء الصلوات خمس مرات في اليوم

وهيك بينتهى اليوم الاول من ال 30 يوم
اكمّل ولا بتفضلوا تنزلوا الفيلم