[قلب المثنى]

سيّد جروحي شمس عمري وظلي ......................البعد طوّل والخطأ منك واضح


إذا غرورك يمنعك تعتذر لي ...........................تعال جنبي وابتسم لي واسامح

تدري أحبّك لكن الموت ذلّي ...........................أدوس أنا قلبي لو الشوق جامح

الله عطاك الحظ وأصبحت خلّي.......................والله عطانياك طاغى ملامح

سألتني يا ياسميني ... وفُلي ...........................ياكيف يشفى الورد والشوك جارح

مثل العيون إللي لها كل كلّي......................... زايد حلاها لكن الدمع مالح

وش تنتظر يكفي دلال وتغلّي ........................الوقت ماهو للوصل دوم سانح

مادمت ترحالك ومادمت حلّي .......................إن صرت أنا خسران ماصرت رابح

لا تعطي الفرصة لعذالنا إللي........................ لكل ماهو يهدم الحب طامح

مالك صبر عني ومالي تسلّي....... ................والوقت خيل صوب الآجال رامح

سيّد جروحي شمس عمري وظلّي.................... الحب بعد وقرب .. مخطي وصافح

إذا غرورك يمنعك تعتذرلي ..........................لا تعتذرلي قول اسمي وأسامح

ألقى شاعرنا هذه القصيدة لأول مرة في أمسيته الأول في الكويت عام 2001م

• وتغنى بها الفنان نبيل شعيل . وتعتبر التعاون الأول بين شاعرنا والفنان نبيل شعيل