[مايا *]

من حيث خروجو على اجماع علماء الاسلام وقت ازمة الدنمارك وذهابه الى الدنمارك للحوار في وقت اجمع العلماء على المقاطعة وحرق الاعلام والسب والدعاء على الدنمارك

هلا قصة الدنمارك قصة تانية .. بس هامش صغير :

إجماع العلماء .. ؟
و على شو .. علـ المقاطعة .. بحياة ربك قطع براسك هلـ الحكي .. مقاطعة شو ؟ مقاطعة البسكويت و الجبنة , الي كلها على بعضها ما هزت كرسي الإقتصاد الدنمركي هزة وحدة و نص .. بالوقت الي العلماء هدول نفسهون عملو بلا إدن ( عين من طين و عين من عجين ) على النفط الي زاد ضخو من الخليج .. و القطن الي ما إنتك حتى الي من سوريا و .. و ..

هدول نفسهون العلماء ضربو هلـ البشر إبرة مخدر من النوع الجربان فشولهون هلـ الدملة ..و المشكلة أنو صدقو و قامو يبعبعو .. إي و بعدين .. / بالمناسبة لساتون مقاطعين و لا مشي الحال / ؟

و عليه هدول العلماء الي عم تحكي عنون عندي مالهون إدنى نوع من المصداقية ..

إلي ساواه هو .. حل طويل الأمد بس مفعولو مركزّ ..
كانت خطوة كتير جريئة و كتير حلوة إنو دخل المجتمع الدنمركي الي بالأصل مالو عرفان شو صار ..
و هاد الشي ما بيعرفو إلا الي عايش برا , و بيعرف تماماً أنو كتيـــر من المجتماعات الأوروبية ما بتعرف شي عن الإسلام .. و محمد بالنسبة إلون هو شخص مجنون و إرهابي .. و تأكدتلون الفكرة بتصرفات هلـ الناس الي ما إنفهمت , على الأقل من جهتي ..


إنت حضرت حلقات الحوار الي صارت هونيك ؟ .. أنا شفتها و إستغربت من نوعية الأسئلة الي كانت عم تنطرح .. و الي بينت مدى جهلون بالثقافة العربية عموما و الإسلامية خصوصاً ..
[quote]

دخلك ليش بكون عم يبكي و ينوح ....على قولة شادي جميل

ما بعرف .. و ما بعرف ليه موجه السؤال إلي ..
يمكن أنو بيشعر بروحانية و قت الي بيدعي .. يمكن بيمثل .. يمكن .. !
بس لما الناس الي معاه عم تدعي من قلبها و تبكي على حال بدها تصلحو .. ما معقول يكونو عم يمثلو ..
و أصلاً مالون عم يؤذوني بشي .. متلون متل الي بيكونو بالكنيسة عم يبكو يوم صلب المسيح ..

لكن هل هذا رجلُ دين ؟

حتى أنه غير مؤهل علمياً للخوض في غمار الدين هوَ خريج " اقتصاد "

مُجرد إنسان يُجيد القراءة وَ التمثيل

وَ على فكرة كُل حَلقة لـِ عمر خالد وَ هوَ أغلى أجر بـِ " 2000 دولار " في كُل حَلقة

فهل هذا تاجر يرتدي ثوبَ رجل ِ دين ؟

يعني على أساس كل هلـ العلاكين الي عم يطلعولنا كل يوم و التاني هني رجال الدين
عني أنا شخصياً بحب إقنع حالي أنو هو رجل دين .. إي إي ..
لأنو أرحم بكتير من بعض إذا ما أغلب خريجين الأزهر و المعاهد الإسلامية , الي بيفجرو كلـ قنبلة فينا منضلنا منلم حالنا بعدها سنة ..

أما منشان الأجر .. سؤال:

المهندس البارع ما بيطالب بأجر بيتوافق مع الشغل الي عم يقدمو .. دكاترتنا أجاراتون سلخ بسلخ ..

فخلينا نعتبرو ممثل بارع .. عم يأدي دورو على أفضل وجه . حضور و ناس و شهرة .. فعليه >> بيطلعلو !
لنعتبرو رجل دين : عم يحكي معلومات عن جد و بدون تخويت كتير قيمة .. >> فعليه بيطلعلو ! ( لك إذا المأدن بدو أجار أدانو .. )

نعتبرو مصلح إجتماعي : حركات جبارة عم تصير بالبلدان العربية .. ما ممكن تحت إي عزر ننكرها .. جمعيات و معاهد و كفالة أيتام و غيرو .. كان هو المحرك الأول و الرئيسي إلها فعليه >> بيطلعلوا ! ..


هلا المهم : كتير بكره إضطر لاقي حالي عم دافع عن شخص أنا كتير بعيدة عنو .. و النقط المشتركة بيناتنا قليلة .. بس ما بقدر كون من الناس يا أما معي يا أما ضدو ..