[Syrian__Angel]

بسيطة يا غوفي .. انت اللي ورّطتني لكان

شو اصعب موقف بحياتك؟؟

وقت اللي اخترت عند مين بدّي عيش

اكتر موقف خجلت في؟؟؟

هوهووووووو ... من كتر مو كتاااار .. صرت انسى
بس اللي هلأ متذكرتو ... وقت اللي مرّة كنت عم قلّد طريقة حكي دكتور بالجامعة وعم اتمسخر على الaccent تبعو ... قام صدفت ومرّ ورايي .. يالله شو انحرجت منّو وخجلت من حالي .. بعدها بقيت شي اسبوعين ما استرجي اقعد الاّ آآآآآخر شي مشان ما شوفو ولا يشوفني ...

احلى موقف؟؟؟؟

الموقف اللّي خلاّني اتعرّف على أعزّ رفيقة الي ..

شو رايك بالحب والصداقة؟؟؟

الحب - بشكل عام - بيجنننننن ... بس لمّا يصير بين شخصين .. بيصير "بيجنن" بالمعنى الحرفي
الصداقة .. كتير نادرة هالايام ... واحلى شي بالدنيا يكون عندك صديق وفيّ دايما معك عالخط وبيفهمك اكتر من حالك ...

مين برايك احسن انواع الشباب ؟؟؟

انو انواع ؟! ... بس بشكل عام ... ما حدا

شو رايك بالاعضاء :
willi
hanny dagher
sweetbaby
varon
kakabouda
dr.hus
layla
توت توت توت
marie sou
god father
sabe
silen
سنفورة
geeny

- ابو الجود ... اهضم واحد بالمنتدى وفلتة زمانو بالرياضيات :clap: ... بس لو يبطّل يعمل مقالب بهالعالم ويرحمن شوي ... بس مع هيك .. ابو الجود مافي منّو وغالي عليّي كتير

- ابو الهن.. الشخص الوحيد العاقل بمنتدى التحشيش ... كتيير بحب فيه صراحتو ... . كذا مرّة بقعد بوجعلوا راسو باللي مدايقني ..ودايما قد ما كان مشغول مستعد يسمع ويساعد... شكرا كتير ابو الهن ...

- رتّوت الحلوة ..مافي منها هالبنت .. عنجد اروق بنت بالعالم .... ومزوقة كتيييير ... احلى ريتا بالكون

- لؤي الملقّب بالغوفي .. بس ولا تزعل .. احلى غوفي انّو الله لا يوفق عدوّينك على هالاستفقادة ... قال كنّا مقررين ننشئ حزب للغوفي .. وطبعاً فرطت القصة من اولها مشان تخانقنا عالقيادة ... قال شو .. ما بيخلّي بنت تكون زعيمة .. وين الرجال ؟!

- جورج .. ما حكيت معو الا مرّة .. مهضوم ودغري بياخد وش عالعالم … بس الشي اللي بيضحك انو اللي ضافني وقتها هو يامن وكنت مشغولة كتير .. قللي شو قصتكم كلكم فجأة انشغلتو لتكونوا متفقين ؟! قلتلو مين كلنا ؟ قال انتي وجورج كاكابودا ...قلتلو أي انا ما بعرفو لا لجورج ولا لكاكابودا

طلعت كتير زيكو .. بعرف

- الحكيم .. والله ما بعرفو ... بس في شغلة .. انّو قبل ما تقطع اخوية كنت حسّو جدّي كتير بكتابتو ( ولو انّو بتمرء كم كلمة بيضحكوا باسلوبو ) ... وبعد ما رجعت ... مدري كيف حشّش الزلمة .. بس الله يعطيه الف عافية على هالموقع الحلو

- ليلى ... ظريفة كتير ... حبابة ومهضومة ..بحب طريقتها بالمناقشة وهدوئها .. ويمكن هالشي هو اللي خلاّني بالبداية مفكّرتا اكبر من هيك ...

- اسامة ... شو مهضووووووووووووم كتير بيحب المزح والضحك .... يمكن لانّو شامي بس عنجد .. ابو السيم كتير رواااق وخواطرو اللي بيكتبها بتجنن... بس شو صار بالحصان ؟!

- ماري سو .. ما بعرفا منيح ... مشان هيك ما بقدر قول رأي .. سوري

- ابو فريس .. تساااالي الحكي معو .. وبالو طويل بكل شي الا بالمجادلة ..” يونيك “ بكل شي .. وانت ترجم الكلمة للسوري

- سعيد .. ما حكيت معو كتير ودايما مشغول .. بس اللي بعرفوانّو غنيتو حلوة و" اطربنا " بالحياة كلاّ هيك

- سيلين ما بعرفا منيح ... بس اللي شفتو انّو هيي مسؤولة الالعاب – السريعة –

- ريمي ... امورة كتير ومزوقة ... وووو قويّة ... بس بحس انّو شخصيتها بالمنتدى غير الماسنجر

- جيني ... ما بعرفا ولا بشوف مشاركات كتير الها ...بس كمان هيي كنت متوقعتها اكبر من عمرا ...وتفاجأت لما عرفت انو 19 بس !! طبعاً العمر كلّو جيني

واخر شي اديش نمرة رجلك؟؟؟

40 .. واللي بدو يعلّق رح ينضرب

وليش انتي هيك؟؟؟

لسببين .. 1 – خلقة الله ... 2- لدايقك