اصلا بطولة وما كانت
هو ريال بس يشوف انو بدو يلعب مع برشلونة ذهاب اياب بيخسر حالو كرمال ما يلعب
يخسر مع كوركون احسن ما يخسر مع برشلونة
انا كنت بفضل يخسر مع برشلونة
بكل الاحوال
المشكلة صايرة عنا بخط المقدمة يعني غريب يلي عم يصير مهاجمين بحجم رود فان وكاكا وراؤؤل وبنزيما يعجزو يسجلو بشباك فريق درجة تالتة بحياتو ما لعب لعبة مع فريق من الليغا
التشكيلة يلي بيعتمدا المدرب بتلعب دور كتير اساسي
مليون مرة قلت الرود فان ما بيتنزل مع راؤؤل لانون هنن التنين بيقتلو اللعب قتل
راؤؤل كبير عالركد والفان بيخاف من خيالو فكيف من مدافع ممكن يفول عليه ويصيبو
المفروض اذا بدو ينزل حدا منون ينزل معو بنزيما
مهاجم قادر يحاور بالطابة ويركد ويدافع عنا ويجيبا
يلي شفناه كان غريب طابات بتروح بسبب بطء المهاجم في الاستحواذ عليا
يعني بناء الهجمة بيكون كتير حلو وخط الوسط كان مسيطر بشكل بديهي وبس تجي اللعبة على الخطوط الهجومية بتضيع بين اقدام المدافعين يلي هنن متلبكين اصلا
او بتلاقي الظهير او لاعب خط الوسط عطا طابة بدها واحد بسرعة ترليون كيلو متر بالساعة ليقدر يوصلا
بلغريني ماعم اعرف كيف مم يفكر يعني مابعرف اذا فعلا كانت تهمو المباراة لان مدرب بتهمو هيك مباراة ما بينزل بنص فريق احتياطي على اعتبار راؤؤل والرود فان لاعبي احتياط وهاد غير الظهير يلي اول مرة بشوفو مدري شو اسمو
طيب وين مارسيلو؟
للاسف بدي كتير لافهم شو بدو المدرب