اقتباس:
كاتب النص الأصلي : nabilyamin
رغم معرفتي المسبقة بشائكية هذا الملف وخصوصيته في مجتمعاتنا الشرقية أردت أن نتناقش بهذا الموضوع بكل حرية ومن مبادئنا و معتقداتنا و فلسفتنا الشخصية و المكتسبة
بالرغم من كل ما يروج له في مجتمعاتنا الشرقية عن عفة الفتاة و حفاظها على نفسها و بكارتها و بالرغم من كل أنواع الحصار الفكري و الجسدي الذي تمارسه الأدبيات المنزلية و المدرسية و الافكار و العقائد الدينية نرى أن بعض الفتيات يضحين بكل ذلك في سبيل الحب .
فما هو الحب وهل له علاقة بالجنس , أم هما عنصرين يكملا بعضهما الآخر
ما هو مفهوم الحب عند العرب و ما هو مفهوم الحب عند الغرب و أيهما الأصح ( إذا خرجنا عن المسلمات الدينية و الاجتماعية )
هل الجنس قبل الزواج محلل للرجل ولماذا لا يحاسب الرجل على ممارسته للجنس قبل الزواج
هل أنت أيها الرجل يعنيك قلب الفتاة أم غشاء بكارتها أكثر
هل تستطيع أو تستطيعين أن تمارس الجنس مع شخص لا تحبه
ما هو مفهوم الزنى وكي نصل الى هذا المفهوم نطرح هذه الأسئلة
هل ممارسة الجنس مع زوج لا تحبه زنى ؟؟؟؟؟؟
هل ممارسة الجنس مع شخص تحبه و دون زواج زنى ؟؟؟؟؟؟
الله خلقنا على جنسين ( ذكر و أنثى ) و لكنه لم يخلق كتاب زواج و لا كتاب طلاق بل خلق معنا الحب و الغريزة فهل هذا كافي لممارسة الجنس؟؟
الزواج ما هو ( عرف قديم من قبل الأنبياء كافةً وكان يسمى كما تسميها المسيحية حالياً ( الأكليل )
ما الفرق بين الزواج و الجنس ( الزواج أرتباط كيفي و أختياري و لكنه ليس حاجة بينما الجنس حاجة سيكولوجية و بايولوجية )
لماذا تغفر لنفسك أن تمارس الجنس قبل الزواج و لا تغفر لحبيبتك هذا
ما العلاقة المباشرة بين الحب و الجنس و الزواج وما الحل في عدم أمكانية تواجدهم سوية
أتمنى من كل الاخوة المشاركة بكل ما يجول في خاطرهم دون خجل فنحن في عام 2007 وهذه المواضيع تشكل عند العرب عقدة أسمها عقدة الجنس فدعونا نتحرر من عقدنا
|
مرحبا
بصراحة ما قريت كل المداخلات, نطيت مباشرة لرد على الموضوع .
علاقة الحب بالجنس , هلأ الحب أنواع منه الحب ذو الطابع الجنسي , الجنس قد يرتبط وقد لا يرتبط بالحب , مثلاً بالنسبة لكتير عالم ومنهم الشباب تحت سن الرشد بيكون الجنس مرتبط بالعدوانية أكتر مانه مرتبط بالحب .
الجنس أكتر شي بحياتنا بيتحمل أبعاد نفسية , لهيك بنشوف كتير أنواع ئله (مازوشية ,سادية, تلصصية , أستعرائية , مثلية , تشبه بالجنس الآخر...إلخ) وبمجتمعاتنا البطركية (الأبوية) المليانة كبت كبت كبت كبت , شي طبيعي نلاقي الجنس مشبع بأبعاد كبيرة متل الشرف , القصد أنه بغير مجتمعات الجنس شيء بسيط وما بنلاقي في هالأسقاطات العجيبة (كرامة وشرف ....إلخ) يعني هي عملية بيولوجية بحتة , شو ئلها علاقة بالشرف ؟؟؟
من فترة فتت بنقاش أتفقنا فيه أنه الشرف هو عدم الخضوع للآخر والتمسك بالإرادة والحرية , طيب تعال نشوف خبيصة (بكارة = شرف) :
بالمجتمع البطركي , بسلسلة التبعية (أب- كاهن-الله) مافيه الفرد يتجاوز هالسلطة وهالشي مرده تبعيته (النفسية والمادية ئلهم بالإضافة للقالب الإجتماعي المؤيد لهل السلسلة والمعاقب الخارجين عنها) , شو معنى الذكور يحموا بكارة فتاة العائلة؟ أنا برأي تأكيد على ملكيتهم ئلها, أنتقال الملكية بيكون بعقد زواج واللي بيترتب عليه فوائد لمالكي الأنثى , متل المهر أو خدمات أو تذلل ..في كتير أشكال.
ليه الذكر بده البنت عذراء؟
(1)لأنه بيخاف من خبراتها الجنسية بمجتمعاتنا الشب بيحب يتفوق على البنت وما بيرضى بغير هالشي , في حال كانت البنت ممارسة الجنس مسبقاً صار هو تحت ميزان أفضل وأسوء , هادا الشي بحد ذاته بيعمل للشب توتر مو طبيعي وأهتزاز هائل بشخصيته .
(2) البنت الممارسة مسبقاً معناها أنها طالعة عن ملكية الأهل وبالتالي ممكن تطلع عن ملكيته مستقبلاً.
(3) ما بدنا ننسى أنه الشب اللي عم يدور على البكارة كشرط اساسي بيكون عم يشتري بنت أكتر مانه عم يتزوجها , يعني خاضع للسلطة البطركية اللي وعدته أنه يتكافىء على خضوعه بإعطائه سلطة خاصة (الزواج والسلطة على الزوجة والأولاد) , يعني رح يروح خضوعه بلوشي .
مرة بحديث مع بنت حول موضوع الجنس وصلنا لهل المقطع :
أنا : شو القصة شروت علبة سردين , برجع لعند البياع بقله عمو رجعلي ياها طلعت مفتوحة.
البنت : أيه
طبعاً برأي البنت أكتر بكتير من علبة سردين , وشرفها وكرامتها وأخلاقها وثقافتها أكبر بكتير من ختم المصنع , المعلبات بنهتم بشكل أساسي بختم المصنع , البنت لاااااااااااااااأ , إن كانت ممارسة أو لأ فهادا ما بيدل على أي شي بشخصيتها .
رأيي بممارسة البنت للجنس خارج إطار الزواج:
طبعاً هادا أمر شخصي بيرجع لكل بنت, وكل بنت بيناسبها شي معين ما بيناسب غيرها , بس برأيي إذا البنت بدها تكون صادقة مع نفسها لازم تسألها حالها سؤال, هل عندي القدرة للخروج من السلطة ؟
توازن بين مكاسب خروجها عن السلطة وبين بقائها , طبعاً الخروج عن السلطة بده شخصية قوية وللآسف ما بيتوافر هالشي بأغلب بنات مجتمعنا , يعني نفسياً على الأقل البنت بمجتمنا مانها مهيئة لهل الشي , لأنها تاخد قراراتها لحالها , مرباية على أساس مين يحميها ويسيرها , شي تكويني عميق جداً , صعب أنه تتخطاه بلحظة , ثم ممكن كتير يكون وضعها الإجتماعي ما بيسمحلها وتكون المضار أكبر بكتيييييييييييييييييير من فوائد ومتعة ممارسة الجنس .
أنا برأيي الحرية الفردية والإرادة والتحرر من السلطة هنن بأساس ممارسة الجنس خارج إطار الزواج, وهنن أساس معنى وجود الفرد الأنسان , وبمجتمعاتنا بيتعاملوا مع البنت على أساس أنها أنثى مو على أساس أنها أنسان .
لهيك التركيز على البكارة بدل التركيز على بقية أبعاد الشخصيةعندها , متعلمة مو متعلمة , مثقفة مو مثقفة , لطيفة ولا لئيمة كل كله مو مهم المهم هو "ختم المصنع" !!!!!!!!!!!!!!!!!!عجبي عنجد
أنا كشب بلاقي ممكن ممارسة الجنس بدون حب , بس ما بفضله وبفضل دور على حب على أني دور على جنس .
الحب بيجي بعد الجنس , يعني الجنس بعد أصغر من الحب برأيي , بس حب بدون جنس غلط كبير , ممارسة الجنس هي اللي بيتخلي الحب يتوضح إذا موجود ولا كان الموضوع مجرد إثارة جنسة , بس يروح البعد الجنسي فينا نعرف حقيقة مشاعرنا
وهل نحنا معجبين وبنحب الشخص التاني ولا بس عم نسايره كرمال نوصل للجنس ؟ بدل ما نكتشف هالشي بعد الزواج, لما يصير معنا شوية مصاري وفينا نمارس الجنس برا المنظومة الزوجية وتبقى المرأة خدامة بالبيت , وبتبلش المعاملة السيئة لئلها لأنه ماعاد في داعي لنسايرها .
بالنسبة للزنى فهاد مفهوم ديني , بالنسبة ئلي في جنس حلال (اللي بيصير برضى طرفين راشدين) وفي جنس جريمة اللي بيصير رغماً عن أحد الطرفين أو بين راشد وقاصر .
بتمنى تكون وضحت وجهة نظري .
شكراً لقرائتكم