[fady juventus]

كاتب النص الأصلي : Barleb

كنت على ما اتذكر صف تاسع .. كان درسنا عن القائد الخالد ( حالياً ) و المناضل ( سابقاًَ ) الرئيس حافظ الأسد ..

وكان درس قومية عادي .. يعني اتسم بـ فكره الخلّاق و بعد نظره ..

قام الأستاذ تبع القومية قاللنا انو البعد النظر يلي كان يتسم فيه القائد الخالد أخرج سوريا من عدد كبير من المواقف المحرجة .. مثل الحرب الوشيكة مع تركيا ..

لما تركيا حشدت أكتر من 2000 دبابة عـ الحدود و كانت بدها تجتاح سوريا .. عبدالله اوجالان كان موجود بسوريا ..

فـ بنظرة القائد ال " محنكة " قرر أنو تسليم اوجالان أفضل من قيام حرب بين الدولتين ...


ولك يا لطييييييييييف شو أنو عندو بعد نظر المرحوم ..

خيي أسير .. تعيش وتترحم

حبيب رح قلك كلمتين قالن حسنين هيكل لما سألوه عن الموضوع بمؤتمر صحفي بهداك الوقت ...
قلن "رغم ذكاء و دهاء القيادة السورية اللي كانت تحسب حساب كلشي ممكن يصير بالمنطقة .. إلا إني لا أجد تفسيراً غير أن سوريا تفاجأت بالخطوة التركية المفرطة بالقوة و التشدد ..." إلخ

ما حدا قال إنو كان نبي بس كان أكيد داهية بعصرو و قدر يمسك القادة العرب بوقتا من خوانيقن ... لا تنسى