فلسطين:
1- هل أنت موافق على طريقة عمل الفصائل الفلسطينية ككل أو أحدها؟
حماس نوعا ما ادائها مرضي بس مش بالمطلق خصوصا تقاتلها مع فتح
2- ما هو رأيك بالصراع بين الفصائل الفلسطينية؟
أكيد شي غلط و خطأ فادح يعني بلدكن محتل وكل يوم اسرائيل بتجتاح وبتقتل وهني قاعدين يقتلو ببعض!!
3- هل تعتبر المقاومة المسلحة هي الطريق الوحيد للتحرير. و في حال الايجاب: ما هو شكل هذه المقاومة؟
في حالة الصراع العربي-الأسرائيلي أكيد هيي الطريق الوحيد لأنو الكل بيعرف اسرائيل ولأنو بنظري الصراع العربي الأسرائيلي ما بينتهي الا مع انتها وزوال اسرائيل وأكيد هالشي ما بيجي بالمفاوضات لأن بطبيعة الحال اسرائيل مش حتزيل حالها!!
4- هل تعتبر أن الحل السلمي ممكن بطريقة ما؟
أبــــدا !!!
5- هل تعتقد أنه يمكن المفاوضة على القدس؟
لا عالقدس ولا على أي شبر من بلادنا العربية
6- احكيلنا شو ناقص من الأسئلة
حق العودة للفلسطينيين لأنو العرب ما عدا كم دولة متفقين مع اسرائيل وأميركا عالتوطين هيدا صار شي معروف ومش لازم ينسكت عنو
سوريا
1- هل تعتبر أن السياسة السوريّة تجاه العدو الاسرائيلي صحيحة؟
ما بعرف ما بعتقد انها صحيحة أبدا!!
2- هل أن تعتبر دعم الفصائل الفلسطينية خطوة جيدة؟ (لا يشمل هذا السؤال حزب الله)
طبعا صحيحة باعتبارهم حركات مقاومة
3- هل تعتبر أن سياسة سوريا تجاه حزب الله صحيحة؟
مش بكل شي يعني بصراحة في الي كتير تحفظات عالأداء السوري خلال حرب تموز!!!
4- هل من الممكن المفاوضة على الجولان أم أنه خط أحمر
متل ما سبق وقلت ما لازم نفاوض عشي لازم نسترجع كل شي متل ما عملنا نحنا بلبنان عبر حزب الله
5- ماذا يمكن أن تقول على اصرار سوريا على تلازم المسارات؟
بلا تلازم مسارات ما بيمشي الحال .. بصير كلُّ يغني على ليلاه
6- هل تعتقد بامكانية الحل السلمي بين سوريا و اسرائيل؟
طبعا ممكن يصير سلام في حال موافقة الطرفين بس هيدا ما فيك تقول عنو حل لأنو الحل بالخلاص من اسرائيل
7- هل تعتقد أن الحرب السورية الاسرائيلية ممكنة على المدى القريب؟ ما شكلها؟ و ما نتائجها المحتملة؟
من خلال سياسة سوريا من ال 73 لحد هلأ ما بعتقد بصير حرب ابدا !!!!!
لبنان
1- هل تعتقد أن دخول حزب الله في العملية السياسية اللبنانية رغم احتفاظه بسلاحه و علاقته الخارجية هو خطوة صحيحة؟
حزب الله بمثل شريحة هائلة من اللبنانيين حوالي ثلث الشعب هيدول الثلث مين في يمثلهم غير حزب الله اصلا نحنا ما منرضى حدن يمثلنا غيرو وبعدين الحزب من اول ما خلصت الحرب الأهلية وهوي موجود بالعملية السياسية بكتلتو النيابية بس الفرق انو ما كان مشارك بالحكومات!!
2- هل تعتقد أنه بامكان لبنان الوصول الى سلام مع اسرائيل بمفرده؟
لبنان يمكن البلد الوحيد اللي ستحيل يصير في سلام مع اسرائيل اللهم الا اذا انهزم حزب الله او سلم سلاحو وهيدا شي مستحيل وطول ما حزب الله موجود ما في سلام بين لبنان واسرائيل لو كل الكون كان بدو العكس
3- هل تعتقد بامكانية تكرار حرب تموز الماضية؟ و ما هي نتائجها في حال حدوثها؟
مش أعتقد هالشي مفروغ منو و شي أطيد اللي مش معروف هوي التوقيت بس يعني اللي اطلع عتقرير فينوغراد كان شاف انو قال علينا الاستعداد جيدا للحرب المقبلة يعني الحرب المقبلة تحصيل حاصل بس المهم الاستعداد عشان اسرائيل بدها ترجه الهيبة لجيشها وهيي عم تحصن جبهتها الداخلية استعدادا للحرب هلق يعني القصة مسألة وقت بس مش أكتر
أما نتائج الحرب فبعتقد ما في أصدق من السيد حسن نصرالله اللي وعدهم بالمفاجأة الكبرى!! يعني نتائجها على اسرائيل حتكون كارثية أكتر بكتير من حرب تموز
بشكل عام
1- هل تعتقد أن الجهات العربية في الصراع تدير الحرب الاعلامية بشكل صحيح؟
اصلا عند كل العرب ما بقى في صراع كلهم استسلموا بقي لبنان وسوريا بس فاذا العرب ما شايفيين اصلا انو في صراع كيف بدهن يديروا!!
2- هل تعتقد بوجوب البحث عن مصادر دعم اعلامي في الخارج؟
طبعا لازم كل شي بساعد القضية لازم نستخدموا متل ما اسرائيل عم تدعمها اميركا!!
بحبّــــــــــــك يـــــــــــــا لبنــــــــــان .. يـــــــــا وطنـــــــــــي
|