اقتباس:
|
تاني شي . الانسان بطبيعته بيحب الحرية ( هي نقطة ) . والانسان بطبيعته بيحب مكانو الاصلي ( نقطة تانية ) . كونو هالشيئين بصراع مستمر في دولنا . ( يعني لما كون ببلدي بتكون حريتي أضيق ) لأنو مضطر امشي مع العادات . ومضطر أطّر حالي باطار الاجتماعيات وحكي الناس . فـ :
|
هي المشكله انو ما بس الاجتماعيات و ما بس الناس .. هدول مقدور عليهم .. بس احيانا بتـحس انـّو في قـالب بيخلق حـوليك ما بـيسمحلك تـكبر ما بيـسمحلك تـغيّير تفيـد حـدا, تفيـد البلد .. بيـنقهر الانسـان الطبيعي لمـا بيـحس حالو مـش قادر يـدافع عن حـقو .. لما يـشوف شـخص مظلوم قـدامه و الكل بيعرف انو مـظلوم بس بتطر تـهز راسـك و تلحمـس عليه لأنو بـعدو بمـحله و تشـكر الله على هالنـعمه و تـدعي ما تـكون انت التالي .. يعني فـي رجـلين كـبيره عم تـدوس عـروس الشـعب و على عقـولها ..
اقتباس:
المغترب بس يخرج من هالحدود والحواجز الي بتخنق حريتو ( مع فروق المكان والمجتمع ) ويعيش بمكان اخر بيحققلو حرية اكبر قد تكون مطلقة ( مع فروق مكان الاغتراب ) بس بكل الحالات اكتر من المكان الي بيكون بين ناسو , فـ بيوصل لحرية اكبر بتحققلو الراحة حسب النقطة الأولى بس بيبقى حب الوطن عندو يعذبو حسب النقطة التانية وهالنقطتين رح يضلو يتصارعو .
بيحس بالحنين لبلدو بالغربة , والغربة عن حريتو ببلدو .
|
أنـا بـكذب عليك اذا بقلـّك أنـو ما عندي الرغبه بامتلاك الشغلتين اللي حكيت عنهم و لـكن بنـفس الوقت عندي ادراك لأنـّو لازم دائما نـضحكي بـشي لنـحصل عشـي تاني و هون بتـجي أولويات الناس لـتلعب دورها .. و أنا اليـوم ما بـحس من أولويـات حـياتي أنـّي بالمسـتقبل ربـّي ولادي خـارج سـوريا (( لما يـصير عندي ولاد يعني )) ..
اقتباس:
|
الحل :
اما بيرجّع الزمن لورا و بيتنكر لكل الحرية الي عاشها ( او الي بيخاف منها ) وبيرجع متل ما كان قبل وبيستسلم .
او بيحارب العادات وبيخلق لحالو هامش حرية اكبر وبيستحمل تبعات هالحرب .
أو ما بيرجع بنوب غير زيارات وبيتحمل الحنين للوطن كرمال الحفاظ على هامش حريتو .
|
خليـني ما اتفـق مـعك .. لأنـو في حل انو يـحافظ عالحريه اللي بـداخله و ما يستـسلم و يـرجع للـوطن .. أي في جزء كبـير من الـحريه رح يتـقيد و اي في جزء أكـبر من شـخصيتـه رح تتأطـّر و لـكن المسـأله تـعتمد على الأولويات و النـظريات و المبادئ اللي بيتـبعها كل شـخص دون عن التاني ..
اقتباس:
|
هاموش :
في حالات بتطلع برا البلد وبتعيش بنفس القوقعة الي كانت عايشة فيها وبتضل منغلقة وهالفئة من الناس كتير سهل عليها ترجع بدون اي مشاكل .
|
كـمان في نـاس بتعيش جـوا البلد و بتـعيش بـحريه, يمـكن تدفع ثمن غالي بس أكيـد لكل حاله استثناء
اقتباس:
ليكي .
أول شي ميرسي ع الموضوع الظريف  .
|