[WHITESNAKE]

اهلين كريمبو
أولاً بما أنو كلامك في عقلانية ومنطقية وقابل للحوار والنقاش فحبيت نضل نتواصل بالحديث والحوار ومابين السطور من كلامك المسيء رح اتحفظ فيه واعتبره غير موجود أصلاً وبسبب الفحوى الأهم والموضوع الرئيسي وببتعد شوي عن هالكلام يلي بيتم استخدامه بعلم النفس لضبع الشخص المقابل متل السب للدين (يعلن دي...ك) او الاله او الرب يلي المعروف انو استخدامها المقصود ضبع وتخويف الإنسان المقابل بشخصية الإنسان إلي عم يسب

خلينا بالأهم وهو موضوعنا الرئيسي

أنا وبغض النظر عن كل طريقتك بالحكي يا كريمبو معك فيه كللو ولو بغير طريقة ويمكن انتة شفت هالشي خصوصاً لما عم تقتبس من كلامي بس يبدو انك حطيبت أدامك قبل ما تقرا منيح ولما شفت انو انا يلي رادد حطيت انو كلامي مؤيد لأي شي بيعملوه جماعتنا (حسب تصنيفكم) المسلمين وخصوصاً أي شي شعبي

المهم لازم وضح نقطة أنو أنا ضد يللي صار مبارح ومن وجهة نظري كانت المقاطعة والمظاهرات كفيلين بارغام الدولتين الدانمارك والنرويج او الدانمارك عالاعتذار رسمياً دون المساس بأشخاص متل ما طالب بعض المشايخ (ومن كل مين حكا كلمة نحن منأيدو) او المساس بالسفارات يلي مو مفروض يفيد بشي لكن مبارح شفنا كلنا كيف بلشت حكومة الدانمارك تتحرك وتغير طريقتها بالحكي ويمكن هالشي يكون صح
هلأ من جهة انو تتضرر او لاء فهادا شي مابيهم أدام مبدأ يعني لما واحد مرتو بتخونو بيروح بيطخا كم طلقة وبيقول غسلت العار كيف مابعرف بس يمكن لأنو مبدأ ويمكن الشي يلي نعملو مايأثر متل ما عم بتقول وتجبلي حسابات بس بيضل في شي بالدنية اسمو مبدأ وأساس وهو المهم عندي أنا شخصياً
هلأ انو الشخصيات يلي ذكرتها متل نبي رب رئيس مفكر ..... الخ هية قابلة للنقاش والنقد فهاد من وجهة نظرك ولو شاركك فيها ملايين بتضل وجهة نظركم يعني مابعرف ليش عم تعتمدها قاعدة وتمشيها عليي لأنو بمقابلك في ملايين بالنسبة الهون نقد هالأشخاص تعدي سافر وأكيد عليهمم شخصياً وأنا منهم ونحن كمان ملايين ولكن ما مشيت قاعدتي عليك

برجع بعيد وبفتئ انو الرسوم كانت مستقصدة شخص الرسول (المتوفي عندك) يلي جواتنا وليس شخصه المادي
ولما عملو هالشي سواء تحت نظرية المؤامرة او غيرها كانو بيقصدونا نحن كمسلمين فقط وليس الرسول كشخص مادي بل معنوي وارتباطه الروحي لدى كل المسلمين وكانو مستنين هالشي وهلأ بتجي بتنظر عليي بيللي عم بيصير مابعرف يعني ماعندك غير المسخرة كريمبو؟ يعني مافي غيرك عم يشوف أخبار ويسمع ويتابع؟ خللينا بالمهم
بعرف انو حرقو السفارتين عنا وببيروت وباندونيسيا دمرو السفارة بعرف منيح ومتل ما سبقت وقلت برجع بكمل انو هادا يلي بدهون ياه هنن او أصحاب النظرية يلي عم يحركوهون ويمكن صار متل ما خططو بس ماحدا عرفان النتيجة ويلي ممكن تقلب عليهون (ولساتني عم أكدلك اني مالي مع يلي صار)

بالنسبة للرسوم وانو في غيرها
وحياة شواربك يا كريمبو بعرف انو في رسوم قبل وأشنع ومن زمان وطارشة النت وانا كنت عم قول للناس يلي بصادفهم منشان وعيهم على يللي عم يصير انو من زمان وهنن بيرسمو كاريكاتورات للرسول وبيستهزؤو بس هلأ يلي صار انهون تبنو هالشي رسمياً وهي هية كل القصة انو الدانمارك دافعت رسمياً عن الرسوم بعكس يلي صار متل ما تفضلت انو في فرنسا او غيرها نشرو الرسوم صح بس بفرنسا مثلاً أقال صاحب الفرانس سوار مدير المجلة

حكومة الدانمارك انو ينقهر مليارين مسلم بالعالم احسن ما تسقط و تستلم المعارضة مقاليد الحكم فيها

صح تماماً ولهيك انتة قلتها يعني منصفقلون كمسلمين ومنسكت؟ بما أنو مارح يردو

شو رح يطلع بايدكم تعملوا ازا الحكومة الدانماركية تيست راسها ؟؟؟
طيب شو رح يطلع بايدكم تعملوا ازا هب الاتحاد الاوروبي لنجدة الدانمارك ؟؟؟

هلأ حالياً انتة يلي عم تحكي بلسان أصحاب نظرية المؤامرة وهية التخويف او الضعف, طيب وكيف بدون يهبو لنجدة الدانمارك؟ يعني شو بدون بعملو؟ وضحللي لو سمحت

بقا شو رح تعملوا ازا كل العالم نشرها ؟؟؟ تتقوقعوا على حالكم مثلا ؟؟؟

وشو المشكلة؟ ما هيك وهيك نحن متقوقعين وخصوصاً انك عم تحكي بصيغة الجمع

الدول العربية و الاسلامية ... و من خلفها الشعوب، لا تملك القدرة على مقاطعة زيمبابوي
فما بالك بدولة من دول الاتحاد الاوروبي ؟؟؟

هاد المنطق يللي انا مابطيقوه ابداً سياسة النعام يعني على شو لكن نافخين عضلاتكون وبالحكي عأساس المعارضة؟؟
خدني على قد عقلي أخي وشرحلي التالي:
انو يجي الاتحاد الأوروبي وبأي دولة من دوله ويفتح استثمارات او يعطي وكالات او عقود تعاون (اكيد رح تقللي كرمالنا يعني كرمال الدول الفقيرة) منشان شو؟ اذا منشاننا بتكون عم تضرب نظريات وأسس الدول الرأسمالية بالزبالة مو بالأرض بس لأنو أكيد سياسة وفكر الدول الرأسمالية اقتصادياً مبني على تحقيق الفائدة لرأسمال الخاص فيها ونموه أولاً ويمكن أخيراً ولا كيف؟
هلأ يمكن دولة كبيرة متل الدانمارك تكون مشاريعها واستثماراتها مثلاً لنقول بدبي او خلينا بعاد عن الدول الاسلامية لنقول بدولة افريقية شوي متطورة متل نيجيريا تكون أكبر بكتير من سوريا ولو كانت شبه معدومة بس من نظرة اقتصادية (رأسمالية) بحتة كل قرش من أي بقعة استثمارية عم يعود عليها بالربح ولو شو ماكان ضعيف
مثال: وقت حرب تشرين قطعت المملكة السعودية النفط عن أميركا وبالتالي سببت بخسائر كبيرة الها هلأ هالخسائر ما بتعادل شي من استثمارات الولايات المتحدة النفطية بدول أميركا الجنوبية ومع هيك أميركا دارت بالها من هالخطر الخليجي وزادت مشاريعها النفطية بهي الدول تحسباً لأي طارئ
بس ومع هيك تأثرت بخسائر مادية منيحة من المقاطعة
بعدين بدك قبلها بدك لاء موضوع المقاطعة بالنسبة النا هو قضية مبدأ وبس متل ما سبق وقلتلك
مارح علق عقصة المقاطعة لأميركا لأنو عضللو أصابيعي (آسف) لأنو سبق وحكيت فيها ومعروف رأيي ورح أعطيك زبدة صغيرة من حديثي بس مو لورباك أكيد:
نحن فعلاً (كلنا هاه وانتو كمان) منمشي بسياسة القطيع _عليهم عليهم_ معهم معهم – ما منحب نفكر منيح ونشغل مخنا قبل كل شغلة
وكمان منشان التوضيح رح عيد أنا معك بكل يلي قلتو بس بطريقتي وأكيد المفروض تكون لمست هالشي من كل العلاك يلي مضى

آسف كتيــــــــــــــــــــــ ـــــــــــــــر عالاطالة وسامحونا