اقتباس:
|
كاتب النص الأصلي : Tarek007
في كل عام ...نكبر عام ! ....على الأقل !!!!!.....هه * .........و نحتفل
هه : تفيد في السخرية
***********************************
شكراً لكل يلي عايدوني و يلي بعتوا رسائل خاصة و ايميلات و بطاقات .....
المشكلة اني مكتئب !!! و بدي حدا يواسيني
شكراً مرة تانية
|
ولله الحال من بعضو يا طارق
بس بالنهاية شو هاد عمر وبدنا نعيشو يمكن كان عيد ميلادنا بالنسبة النا شي حلو كنا نستناه من السنة للسنة لنستنى من اهلنا بوسة حنان وعبوطة حب
وطبعا هدية حلوة
بس ها الشي الحلو فقدناه لما صرنا نكبر وصار يوم ميلادنا بيذكرنا بعمرنا و بسنين عشناها
ولله انا لما صار عمري 23 سنة ماصدقت
كانوا لما يسالوني شو عمري حس حالي دائما صغيرة كنت قول ايمتى بدي قول 18
ولما صرت 18 ايمتى بدي قول 20
ولما صرت 20
صرت اسكت واكتئب وحس الهم ركبني وكرهت عيد ميلادي كتييير
عنجد مابحببببببببببببببوووو
بس ايام بحتاجوا
لحتى ماما تبوسني وتحضني متل ايام زمان
وبابا يبوسني من جبيني متل ماعودني دائما واخواتي يعايدوني ويدللوني بالبيت
و الأهم من هاد كلو حبيبي ...
حبيبي خلاني حبو من جديد لأستنى حنانو ونظرة عيونو والهدية يلي دائما بتكون روعة
ويحسسني بحالي وانو انا لسه موجودة ولسه جواتي قلب بحب وبيعشق
عيد الميلاد شي حلو بالحياة بس مين فينا مابيجي عيد ميلادو بدون ما يتذكر احلى ايام وتزوروا المرارة والحزن يمكن يوم كامل