[شنو لأنو]

مرحبــــــــــــا هالمرة من اول الموضوع ..

شريك .. اعود لاكررها .. موضوع جرئ ..

ولكني هذه المرة لن اكتفي بوصف الجرأة .. بل - وان تقبلت مروري اكون شاكر - سأعقبـ ..

نحن ننتظر .. و ننسي ان نصنف من هو الذي ينتظر ؟

أهو نحن باقي بلدان العالم العربي التي يقتلها القهر و الحقد و المشاعر العارمة بالفوران والثورة ( بالاخير منشرب عليها كاسة مي من شان تروء و تحلى ) ...

أم البشر العربيين من امثالنا مواطنو الدول المقهورة و المنكوبة و المغلوبة على امرها ...

ما كانوا ابدا يستحقون ( انو يعني كل واحد منا بوقت بيجي يحكي فلسطين هني الي باعوا اراضيهم و مصطلح ( هني ) المبهم تم تعريفه في التاريخ والوثائق والحقائق انه يساوي الوالي العثماني و المتعقد اقصد المتعهد البريطاني ...

ثبت ثبوتا علميا تاريخيا موثقا ومختوم عليه بختم السلام والحقيقة المنسيين ان الاراضي الي انقامت عليها دولة اسرائيل هي اراضي مملوكة للتاج العثماني والبريطاني .. لم يبع فلسطيني ارضه ... متلنا متلون مزارعين بوسط الليل اندبحو بدير ياسين .. دير ياسين فقط كمثل ..

عفوا بدي اذكر مثل اخر .. دبحوا بالمسجد الاقصى بليل رمضان ولم يتوقفوا عن الصلاة فيه مخافة الموت .. فلك الف تحية و رفع مليون قبعة يا فلسطين الفلسطينين ( وهنا اقصد الفلسطينين الي ماهم صافين لا مع فتح ولا مع حماس وما عم يشربو عالمسا كاسة دم من شان صحة امن فلسطين الداخلي يشتد عودها ) ...

و هكذا الحال مع الدول العربية .. و نعيب الزمان والعيب فينا .. ومات معتصماه مقهورا من السلبية القومية .. وخليني بمشاكلي وحالي بيكفيني الي انا فيو ...

ملك مات طريدا بدولة تلك المجندة التي تعصر ذنوبها .. هو الملك الوحيد الي مرة حاول يرجع فلسطين .. ولكنه لانه غبي ولانه مخدوع و واثق بحاشيتة ( الهوت دوجز ) خانوه و وردو للجيش في 48 اسلحة فاسدة .. و للان لا يكرم مجندو و جيش 48 .. فنحن فقط شعوب تعترف بدماء الشهداء في اوقات الانتصار .. و تبصق عليهم بزمن الانكسار .. و ننسى بأن الاثنان شهيد لفظ انفاسه واحلامه و مشاعره في سبيل تنفيذ أوامر قادة لا يعترفون الا بالخيام والموائد المليئة بالشياة .. و يكفيه انه مات شهيد بدناش تكريم الك تكريمك عند الله كافي .. سبحان الله ..

خبي جمالك يا ريم .. ريم بنت الوليد بن طلال الامير السعودي .. ملايين صرفت و دفعت على ( حفل ) زفافها .. و العقد واحد .. كانت ستزوج لو بحفل مليوني او تحت الشجرة مابتفرق المهم تتزوج وين الفارق يعني ؟ .. تفكير سطحي ..

جد هي بنت تستاهل و طيبة و تستاهل كل الخير .. هل رفع من شأنها حفل عرسها المليوني الفخم ؟ أما كان سيرفع من شأنها لو تبرعت بهالمصاري للجمعيات الخيرية ؟ لو لمساعدة اخوانها في الاسلام في فلسطين والعراق و لبنان والصومال و موريتانيا و الشيشان وافغانستان و حتى بدارفور الذي مازلنا نوصفهم بالراقصين حول النار ( كنهم مو بشر يعني كن هالام وقت بيموت ابنا بترميه بالطريق او الكومة او ايا اشي عندون و بتروح تتسوق !! ما بينقطع البها على البها ؟ ما بتنقهر وبتصرخ ؟ ما بتشد شعرا لتقطعو ؟ ما بتفقد عقلها ؟ ماهي ام يعني ؟؟؟؟؟؟ متل باقي الامهات ؟ متل باقي البشر ؟ ) ...

زفت ريم .. ونسيت ريم ... التي قبل عام قصفت طائرة اسرائيلية سيارة عائلتها على بحر غزة ( بعد الانسحاب الاسرائيلي المزعوم من غزة وريتهم ما انسحبو ) ريم نجت .. ومات اهلها .. و ظلت بعينها وقلبها و روحها ندبات الشظيات .. هي ايضا ريم .. ولكن لن تحظى بعرس ريم ! ..

المظاهرات .. تقمع .. بقنابل الغاز و انابيب المياة .. يقتل طلاب الجامعة بعمر الزهور الي بدا حدا يستنشق عبيرها .. على يد ايضا زهور .. ولكن زهور عمى السواد قلوبها .... على يد ابناء وطنهم من الامن المركزي او المحوري او الهامشي ما بتفرق هو بيدعي انو امن شعب ولكن هو ترفع عن الشعب و كمان كبس شوي عليهم بكندرته !! ...

لم يكفيهم انهيار مبادئ و طموحات ابناء شعبهم .. القهر يولد كفر متل ماعم بيقولو .. طيش واندفاع وخسران قيم .. اذا هيك عمبيصير .. شو ضال من شان ما يصير ولا اشي .. و راح الصبي متل ما راح ابلو بس هداك تحت تهديد السلاح حفر قبره بايده .. ومات ... فالله يرحم هاد وهداك .. ويرحمنا .. الرحمة تجوز عالميت والحي .. ان كنا احياء ولكن بلا روح اعتقد وصف اموات اكرملنا ...

كلكم راع .. وكلكم مسئول عن رعيته .. وسبحان الله .. بفكر .. وما بدي افكر .. تمنى عبدالملك لو ما كان خليفة .. لئلا يحاسب عن عذاب شعبه .. و نحن نتلهف للقيادة .. و ننسى ان الحاكم يجب ان يحكم بامر الله وشريعته .. ان الحاكم وهب نفسه لشعبه .. و علامة استفهام ..

تنديد .. نشرت الرسوم المسيئة للرسول .. انا وقتها جد ذهلت .. وليلليليشششششش اخيرا يا عرب ساويتو اشي ؟ اخيرا صار التنديد والاعلان والمابعرف شو فعل ؟ الحمد لله باقي اشي بهالوجود نوقف ايد واحدة كرماله ...

قاطعوا المنتجات الدنماركية .. ولكن لا تقاطعوا المنتجات الاسرائيلية والامريكية والبريطانية لانهم مصدر دخل لالنا و عايشين بخيرهم يعني ... الدنماركية ايه ولكن الباقي مليون فتوى تعارض ومليون بيان يصدر ومليون شخص يذكر الناس بمصلحة ابنائهم العاملين بمكدونالدز ... سبحان الله ، لله في خلقه شئون ...

قاطعنا المنتجات الدنماركية .. ومافكرنا ليش هيك ساوو هني ؟ من شان نمنع الاشي لازم نبحث عن مصدرو مو فقط نبترو من السطح .. لانو رح يطلع مرة تانية !!

الاعلام .. العربي .. الاسلامي .. الفقير .. للاسف الاعلام عنا موجه للفيديو كليب والكاسيت .. الاعلان الوحيد الي ممكن لو صادفك بالدول الشمالية الاسكندنافية على وجه التحديد هو اعلان Sun زورو بلاد العرب تجدو ما يسركم من الشمس .. ولكن حتما لا تجدو ما يسركم من الاخلاق والحضارة والخ الخ الخ ...

اذا حدا منا بحياتو راح لهي الدول .. و تابع بس يوم واحد التلفزيون الوطني لهالدول .. والله رح يمسك مسدس و يقتل مسلم قدامه .. لان المخطط الصهيوني ( مو فقط الاسرائيلي ولكن الصهيوني الامريكي الاسرايئلي الانجليزي الخ ) عم يمد هالدول بقدر كافي و وافي و شافي عن مدى بشاعة المسلمين يلي بقتلو بالطفل الاسرائيلي ببشاعة وحقارة ويا البي عاليهود ..

برجع بقول نعيب الزمان والعيب فينا ...


و اعود مجددا ( لأقول واعلن واندد واشجب واعترض و بشدة و عنف وانا جالسة عالمقعد وبشرب كاسة شاي ) انو هالموضوع جرئ .. و فايت مو فقط بالحيط فايت بالسياسة و الى اخره ...

-------


اكثــــــــــر من رائع موضوعك .. بصراحة ارتفع ضغطي وهذه علامة جيدة اني معجب بالموضوع ...

مجددا ارجع اقول بعتذر عن الرد المطول .. و التطفل على موضوعك .. و أن شئت احذفه .. على الرحب والسعة ..

بس انت اجيت عالجرح .. الله يعطيك العافية ..

تقبل مروري .. و الخيار الك .. ( انت غير ملزم بأي شكل من الاشكال بقبول ردي بموضوعك .. عن جد لو بدك تحذفو تفضل غير باغ ولا عاد ) ...