[ayhamm26]

كاتب النص الأصلي : GOVERMENT

كلام فاضي ..

طيب بسيطة تعى لنفكر بالموضوع منطيقيا وبعيدا عن العنتريات و الشعارات

في احتمالين
اول احتمال انو متل ما تفضلت رايي كلام فاضي والسيد الرئيس تبعك فعلا ما بيعرف باللي عم يصير بالدولة اللي هو فيها حاكم مطلق يعني كل هالفساد الهائل من سرقات وهدر ونهب للمال العام كلها هي ما بيعرف عنها اي شي يعني ببساطة متل ما بيقولوا اخواننا المصريين نايم على ودانو معناها ما بيستاهل يكون رئيس دولة ومن حق اي مواطن يطالبوا بالتنحي وانو يجي واحد بيستاهل المنصب وبيقدر يعرف الفساد وين ويلاقيلو حل

تاني احتمال انو كلامي صح وانو بشار الاسد بيعرف كل شي لانو ببساطة تحت ايدو شي 10 اجهزة امن وكلها الها مرجعية وحدة هي بشار الاسد نفسو يعني ما تقلي انك متخيل انو اصف شوكت مثلا بياخد اوامرو من ناجي عطري او مثلا علي مملوك بياخد اوامرو من وزير الداخلية ؟؟؟؟
وكل هالاجهزة هي مهمتها مراقبة كل شي بالدولة من طلاب الجامعات للموظفين للعساكر للضباط للحرفيين لكل شي وبيعرفوا اذا انسرقت ليرة وين عم تروح وكلو بيروح لعند الاسد والدائرة المغلقة المحيطة في
واختيار الفاسدين والحرامية للمناصب هي سياسة قديمة بلشت مع ابو ومستمرة معو لانو هي احسن طريقة ليضمن ولاء الناس اللي تحت امرتو

يعني بكلا الحالتين راس النظام هو المسؤول يعني مو بالشغلات المنيحة منقعد منطبل ونزمر بالمنجزات وبالشغلات العاطلة يا حرام هو ما دخلو
سلامات