بسم الله والوطن ..!
باسمنا .. باسمكم ... باسم شعب اخوية العظيم ... نعلن لكم ايها السادة والسادات ايها الأخوة والأخوات ..
ايها المواطنين والمواطنات .. ايها الحشاشون والحشاشات ..
يا شعب اخوية المحشش ...
بكرا .. لاااااء بعد بكرا ..
ولك شو بعد بكرا ... خلص بعد تلت ايام .. من تاريخو ... رح نبلش مسابقااااااتنا بقسم الكاريكاتير ..
يعني بدنا همتكم .. بدنا ابداعاتكن ... بدنا نحرك تجارة الحشيش بالبلد .. بدنا ياكن تحششولنا شوي وتعطونا من عبقريتكن التحشيشية ...
بعد تلت ايام .. رح نفتتح .. مسابقتنا الاسبوعية .... (الأولى ) - واللي ما بدها غير سحبة حشيش -
( الصورة من عنا ... والتعليق كمان من عنا اصدي من عنكن )
الفائز معنا كل اسبوع ... رح يربح معنا ... (( ما رح قلكن شوووووو .. خليها مفاجأة
)
ملاحظة ...
((((( التعليق الفائز معنا .. رح نزبطو على الصورة وينحط بلوحة شرف كاريكاتير اخوية واللي رح يتم افتتاحها قريبا ))
شروووووووووط الاشتراك بالمسابقة ...
1. أن يكون خادم عسكرية ..( وحيد ما وحيد ما بتفرق معنا ) ( بنت شب كمان ما بتفرق معنا )
كلو لازم يخدم عسكرية ..
2. وثيقة تبرع بالدم ... ( تلاتة كيلو )
(بيطلعلنا منكن علبة بسكوت كمان ..
غراوي
)
3. تقرير صحي انو مانك مرشح ولا مغرب ولا مشرق .. وانو اصبع اجرك الصغير ما بو شي ..
4. صورة طبق الأصل عن حيا الله شهادة ..
ابتدائي اعدادي ثانوي جامعي .. شهادة زواج .. وفاة ... طلاق ... كلو بيمشي حالو ..
5 . يمنع منعا بااااااااااااااتا .. مشاركة الدينيين واللادينييين ... ( الدين لله والوطن للجميع )
6 . يمنع منعا بااااااااااااتا مبتوووووتا ... مشاركة الموالااااااااااة والمعارضةةة .. ( بعيد عن الشر وغنيلو .. )
7. يمنع منعا باتاااااااااااااااا ...بتااااااااااااااتا لا رجعة للبت فيه .. مشاركة الممشرفين والأعضاء والشبه أعضاء ..
يمنع مشاركة الجمييييييييييييييييييييي يييييييييييييييييييييع ..
8. وهو الاهم ..
رشوة الي ..
9 . كمان رشوة الي ...
10 . رشوة كمان الي ..
11 . شرحو ..
12 . ما في.. ( انا ما بحب الرقم 12)
13 . تقدم الاستمارات .. خلال نص ساعة من تاريخو ... ( البنات تؤبروا عضامي ما في داعي تقدمو شي ..
)
ولك وميت اهلا وسهلا فيكن ..
عم بستنى تفاعلكن حتى نقدر نكمل ...
والخلود لرسالتنا