اقتباس:
كاتب النص الأصلي : boozy
اشكرك ابو طوني.
الو تبحث بالكوكل او اي محرّك بحث راح تلاقي كثير مواضيع تحكي عن " الحداثة"
انا اختاريت هذا الموضوع بالذات لانو يتطرق لوجهه نظر من زاوية واحدة.
يعني غير حيادية بتاتا
طبعا من غير الي حذفته انا 
ليش؟
لان ومثل ما ذكرت سابقل لغرض عرض وجهات النظر والمعرفة
في يروف عدنا بالكيلة دايما يقول:
"من تعلّم لغة قومٍ أمن شرهم, ومن تعرّف على تفكيرهم عرف عيوبهم, ومن اصغى لهم- الاصغاء لا يعني هنا القبول والاقتناع- ملك مفاتيحهم"
|
ما عم قلك يكون العرض حيادي
الله يبعد الحيادية عنا ويتقينا شرها وبلاويها
عم نحكي على موضوعية المقال او النص المنقول للصفحة هي
هل هوي مقال موضوعي بيوصف الاحداث وفق الحقائق دون تشويه صورتها ؟
خلينا نحكي عن الحداثة نفسها
تعريف الحداثة بحسب المقال :
اقتباس:
التعريف
هي صبيانية المضمون وعبثية في شكلها الفني وتمثل نزعة الشر والفساد في عداء مستمر للماضي والقديم ،وهي افراز طبيعي لعزل الدين عن الدولة في المجتمع الاوروبي ولظهور الشك والقلق في حياة الناس مما جعل للمخدرات والجنس دورهما الكبير.
|
ما بعتقد في شخص بالعالم بوافق على هاد التعريف الا المتطرف المتشدد ولكون دقيق أكتر .. الا التيار السلفي .
الموضوع عبارة عن تعاريف للمصطلحات ويفترض يكون التعريف موضوعي 100%
اضافة وجهات نظر ونقاط خلاف ضمن السايق ما بضر أبدا في حال تم عرض الوقائع بموضوعية وعرض نقاط الخلاف بموضوعية .
مع أن المتعارف عليه من مصطلح "تعريف" هوي الطريقة اللي عم تقدم فيها الجماعة نفسها او الفكرة أو المذهب او المدرسة الفلسفية أو .. الخ
وما بصح اننا نسمي النقد الموجه الها والتفنيدات الخاصة فيها " تعريف " .
اضافة إلى اني ولنفرض زلمة ملحد وحابب "اتعرف" على دين معين
وين بروح ببحبش عن هاد الدين ؟ بروح بشوف شو كاتبين النقاد عنه وبقرا كتابات العالم اللي عم تهاجمه ؟ ولا بروح بشوف كيف عم يعرف هاد الدين عن نفسه وشو هية أدبياته وشو قايلين شخصياته عنه ؟
