[محمد ابراهيم]

ثالثا: حق المشرف بعدم التجريح:

المشرف, كغيره من الأعضاء له كامل الحق في أن تخالف الاساءات التي تهم شخصه, و الاتهام الباطل اهانة و اهانة شديدة كمان.... هلأ لو مثلا, خلينا نقول محمد ابراهيم فتح موضوع بالصالون انو مثلا وسيم عم يبعتلو رسائل مسبات و اهانات ووسيم بيقول انو لأ هو بعتلو رسالة عادية, ما تقولولو وين هالرسائل يا محمد شوفنّا لحتى نحكم اذا مسبات وللا لأ؟؟ و اذا محمد تهرّب ما تقولون انو ادعاء محمد باطل ما لم يثبت و على هالأساس هو غلط بحق وسيم؟ (مجرد مثال يعني بعرف الشباب ما راح يزعلو). ليش الشي اللي يعتبر بديهي بالنسبة لعضوين كتير صاير معقّد بين عضو و مشرف؟ يعني الاتهام الباطل للمشرف (عم ركّز على الاتهام الباطل لأنو يبدو انو الاعضاء بشكل عام رأسا يصفّو مع العضو و كأنو المشرف ضابط اسرائيلي بالشجاعية بغزّة.... عدا الاهانات و المسبات اللي نتلقاها علنا و خاصة و اللي ما بتوصف غير صاحبها).

حكيت كتير بالموضوع الاول انو الاتهام (باطل كان او على حق) ما بيعد اهانة .
وعنجد مابعرف قانون باي دولة بيعاقب اي حد على الاتهام الباطل (الا اذا الاتهام كان مبني على تشويهات لسمعة الشخص المتعرض للاتهام ) هون بيكون من حق الشخص اللي تعرض للاتهام الباطل ونتج عنه تشويه لسمعته انو يقاضي الطرف الاول وياخد تعويض مناسب من وجهة نظر المحكمة (اذا بدكون حكي دقيق جدا بستشير وائل وهو محامي جيد جدا وعنده علم بهالامور)

* هون بدي قول انو ما منطقي كون خصم وحكم بنفس الوقت وبنفس القضية (مافيني حد يسبني واحكم عليه ب6 شهور حبس )!!!!!
وهاد ما معناه انو حكمي مانو عادل (ممكن يكون عادل وممكن لاء)
هاد من التناقضات المعروفة بديهيا قانونا وعرفا وتشريعا. القاضي مافيه يكون طرف نزاع .
ما القصة بكون حكمو اكيد رح يكون غير عادل , لاء ماحد بيعرف اذا كان رح ينحاز ولا لاء (بس الشغلة بديهية "الحكم مانو مؤكد انو رح يكون عادل او العكس")

* بس في شغلة ياس انا هلاء معك بنسبة 80% لانو اختلفت على توضيح معنى الاتهام وايمتى بيكون الاتهام الصادر من الشخص (اهانة يتطلب الاعتذار او التعويض)
بخلاف هالنقطة متفق معك 100% بكل حرف كتبتو (ما بس كل جملة او كلمة)

- *- بس عجبتني كتير هالجملة رح اقتبسا من حكيك

ثالثا: حق المشرف بعدم التجريح:

المشرف, كغيره من الأعضاء له كامل الحق في أن تخالف الاساءات التي تهم شخصه, و الاتهام الباطل اهانة و اهانة شديدة كمان....

ياس انا اتعرضت من شخص واحد لاكتر من اساءة شخصية مباشرة (مابس اتهام )
وهالشخص ما اخد اي مخالفات
جل مايحدث هو حذف ما يكتب . رح افتح موضوع بالبريد مدعم باسماء الموضوعات وروابطها التي تم حذف ردوده منها (بنص اخر اساءة في حقي)
لانو محلها ما هون
- بس في مفارقة طريفة بتربط بين هالمشكلة والمشكلة التانية رح اخبرك فيها بعدين او عالخاص ..

11 وردة الك انتا وحدك ووردة وحدة لكل واحد شارك بهالموضوع واللي بدو ورد ياخد من ياس (الورد معي خلص)