[quote=الحب الازرق;734807]
اقتباس:
كاتب النص الأصلي : الوطواط
طيب انا اسف اذا انت انزعجت ...
ولا يهمك المهم انه ما ننقد بس
مقومات الوحدة :
الارض ... هي موجودة والحدود الطبيعية موجودة ... حتى طبيعة الارض للوطن العربي واحدة تقريبا
هلق الأرض اكيد موجودة والحدود الطبيعيه اكيد موجوده منها البحر الأحمر مو هيك ؟؟؟
وما فهمت كيف طبيعه الأرض واحدة من الصحراوية للمتوسطية للأستوائية
واذا قارنا موضوع الارض مع غير امم بنلاقي موضوع الارض متحقق اكتر من غير كتير امم
مو مهم نحقق اكتر المهم نحقق المطلوب النا
والتاريخ .... واحد ...
عجبتني هون انه رديت بكلمة وحدة
هي وحدة من اكتر الشغلات اللي بنختلف فيها
يعني ابداً مافي تاريخ مشترك بين الأردن والمغرب مثلاً بين ليبيا واحد دول الخليج بين سوريا وبين السودان
ارجع اقرا التاريخ منيح
والمصالح وحدة .. يعني الوطن العربي بيتكامل اقتصاديا .. لو اندمجت العقول والكوادر البشرية مع الثروات النفطية لكان حالنا غيرالحال
صديقي التكامل الأقتصادي ما اله علاقة بالمصالح المشتركة هي الغلطة الكبيرة اللي ما بننتبهلها
يعني ما في احلى من انه كل العالم يصير وحدة اقتصادية كاملة .. في أحلى من هيك تكامل برأيك ؟؟ بس هادا ما اله علاقة بالمصالح المشتركة
وأكبر مصالح متضاربة هي بين الدول العريبة
مافي اي تلات دول (حتى ما كون مبالغ وقلك دولتين) في الهن مصالح مشتركة وحدة ومو من هلق هادا الحكي من زمان كتير كمان مرة بقلك ارجع للتاريخ
اما اللغة ... ما بدا تنين يحكوا فيها (اللغة الفصحى )العراقي بيفهم عالسوداني
والسوري بيتواصل مع اليمني واللبناني ممكن بسهولة يناقش المغربي
صديقي نص سكان العالم بيحكوا انكليزي !!! هل هالشي سبب ليكونوا دولة وحدة
بعدين لا تنسى انه نص شعوب دول المغرب العربي هنن امازيغ بالأصل يعني ما بيحكوا عربي ولهلق محافظين على لغتهن وعاداتهن
اهم شي انو العالم (غير العرب )حاططنا بسلة واحدة .. لذلك مصالحنا مشتركة
نحن في زمن الدول الكبرى .. لو لم تكن هناك مقومات للوحدة لوجب ان نخلقها ..
هون مو لازم نحكي على مقومات الوحدة لازم تحكي على مقومات التلاقي بالمصالح لأنه هي اساسا مفقودة
اه ... كم تمنيت ان تحتل الدول العربية القوية عسكريا الدول الضعيفة لتحقيق الوحدة بالقوة
يعني صدام فات عالكويت ..كان لازم يكمل عالسعودية . ونحن ندحم عالاردن ولبنان معنا
واليمن تشفط خط الساحل الجنوبي للجزيرة مع الامارات
ومصر تفلت جيشها عليبيا وتونس والسودان بتنضم سلميا وبعدها بيكملوا المصريين مع الاخوة السودانيين عتونس والمغرب
هون وانا آسف عن جد لقلك ذكرتني بأبن واحد بعرفه عمره تسع سنين ذكر نفس الفكرة هي وصدقني ما عم امزح
|
ارجو انه كون وضحتلك الغلط اللي قلته