[قرصان الأدرياتيك]

كاتب النص الأصلي : اشراف اداري

طيب....ممكن هيك ع رواق ..و بهدوء يعني ..تعيد صياغة طلبك أو اعتراضك ..او اللي هو ....
ما فهمنا بالضبط وين المشكلة ...بقى يا ريت توضح .

يا هلا فيك... تكرم عينك بعيد الصياغة:
القصّة هي نفس الموضوع يللي أكل فيه مخالفتين العضو "أبو طوني"، والموضوع بيحكي عن "المشرف غير المثالي ... ". من بين كل هالبشر يللي كتبت ردود وانمحتلا ردود مسؤول السقيفة ما شاف غيري ليعطيه مخالفة و"بعشرين" نقطة؟! برغم أني شاركت وضمن الأصول... وبرغم أنّو حضرة السيّد المسؤول عن "السقيفة" كتب في المشاركة رقم 2 التالي:

رح تصير المشاركة كالتالي :
الاعضاء الإداريين ... ممنوع يشاركوا بالموضوع
الأعضاء الغير إداريين .. بتقتصر مشاركاتون على توضيح خيار تصويتون ( بشكل اختياري)
على أن يكون هالتوضيح عبارة عن اقتباس لسبب من الاسباب المدرجة بالموضوع

ومع ذلك شارك عدد من الأعضاء الإداريين وانمحت مشاركاتن بدون أي مخالفة.
وما تزال مشاركة أحد الأعضاء الإداريين موجودة وفيها تهكم وسخرية بدون ما يكون ألها علاقة بالموضوع بحد ذاتو، وهي المشاركة رقم 19 لشوط يا قمر:

وأنا كمان صوتت ضد كوفرمينت .. لنفس الأسباب ..
آل إتحاد آل

ولما رجع المسؤول نفسه وكتب:

ما أنو التصويت تسكر

فـ .. رح نفتح المجال ليللي بحب من المشرفين أنو يرد .. أو يعلق على نتائج التصويت
طبعاً لا يحق لغير المشرفين المشاركة

شارك أبو طوني بالــ "ليش" الشهيرة، فأنا عقبت عليه بمثل، وأتفاجأ بمخالفة من عشرين نقطة!!!

فليش لما يُمنعوا الإداريّين من المشاركة ويشاركوا، ما في مخالفات، بس حذف الردود لا أكتر، والأنكى بقاء رد لأحد المنسقين، وهو ممنوع من المشاركة كما سبق ونوهت؟ ولما يُمنعوا الأعضاء ويشاركوا، البعض مخالفة والآخر لأ، والدليل هو صديقنا "زين" يللي انحذف ردو لا أكتر!

المسألة بظن واضحة كتير، والعدل من الإشراف يقتضي أنّو ياكل مخالفة جميع اللي خالفوا بمن فيهم الإداريين أو نزع المخالفات عن الأعضاء المخالفين!!!

مع الشكر للاستماع والتحيّة والتشجيع .