[قرصان الأدرياتيك]

قال الكرسي بيعمي، والسلطة بترهّب، والكرباج شغال من أيّام قايين وهابيل!
يا سيّد مادماكس إنشالله مبسوط كتير بحالك أنّك صرت تخالف؟! جرّبتا؟ انبسطت؟ شفيت غليلك؟!
يا حرام... حاسّك مدير فرع تحقيق ونازل سلخ بهالبشر... لك عيب يا رجل استحي على دمك!

الموضوع كان تصويت عن المشرف غير المثالي، وأنا عطيت رأيي بوضوح، وحطيتك أنت وبترفلاي بآخر مرتبة بالإشراف ولو كان في أدنى كنت حطيتكن أنتو الجوز سوا... بتعرف ليش؟! لأنّك متلها مفكر الإشراف سلطة وحذف ومخالفات وما بتعرف تميّز بين خاصّ وعام... بين الفكر والشخص... بين الرأي الحر والقمع، وبس يجي يوم تميز فيه بيناتهن خبرني!

انزعجت كتير حضرتك لأن حطيتك بهديك الدرجة قمت رحت تحججت بالنظام والمخالفة وعطيتني مخالفة من عشرين نقطة... لك بترفلاي وسطوتها عطتني مخالفة من 12 بس، فهل هذا دليل على كبت عم تعاني منو أنت وأمثالك؟!

هلا حابب أفهم شغلة: عنوان المخالفة هو "المخالفة المتكررة لقوانين القسم الخاصّة"، فيا ريتك تقلي وين التكرار بالمخالفة؟! لأن بظن أنا اشتركت بالموضوع وبعد ما أبو طوني سألك الـــ "ليش" الشهيرة التي أوجبت عليه مخالفة صارمة، جيت أنا وقلتلو مثل جزراوي كرمال ما يوجع راسو كتير... لأن سبق وعلمنا أنّو القمع موجود بدمك يا صاحب السقيفة! فوين التكرار...

هذا بالإضافة إلى أنّك ملاحقني عالدعسة شي بتحذفلي مشاركة وشي بترجعها تاني يوم وشي بتطير كلمة من هون وكلمة من هونيك... وشي نطلب منك حذف مشاركة قديمة بالسقيفة ترفض بحجة أنّو كلامي من ذهب ما بينحذف... لك لهالدرجة وصلت مواصيلك؟! يا مسكين... يا مسكين!