[Abu Guzef]

منفتتح المقلاية الإصدار رقم -7-...

قول الله

ب الزعيم أبو جوزيف

يللا ...

اسألتي .. خفاف ظراف .. بيحققوا ميثاق الامم المتحدة وقوانين الصحة العالمية .. وانشالله ماتنحرق بزيتاتي ..

.


.
.
-

كيف بتشوف أخوية بهالأيام .. وبالأيام الجايي ...

- شو حلمك بهالحياة .. وهل حققتو وللا لسا ...

بالنسبة للحلم لما كنا صغار كانو يحكولنا شو بدك تصير بس تكبر كنا نئول دكتور .. مهندس .. قاضي
بس لما كبرنا تغير الحلم كلو
انا حلمي من فترة صغيرة نفضت الغبرة عنو وبلشت بدي ابني حالي من الـ0
يعني حاطط براسي انو ادرس انكليزي وبهل فترة تبع الإنكليزي بعمل معهد إدارة أعمال وتجارة وهيك ئصص
بس بلشنا نشتغل فيه لانو مشروع مو سنة وسنتين

- عروس الأحلام تبعك ... شو مواصفاتا... هل هيي حقيقة ام حلم ..

وينا ...
مواصفاتا ممم بس ئبل ما نفوت بئصص البنات والنسوان وهيك انا من النوع يلي ما بيعبي عينو مين ما كان وازا ما الصبية اجت حاكتني انا ما بحاكيا الا ازا كانت خارطة مشطي للعضم وهالشي أثر على عدد علاقاتي وإرتباطاتي كتير
بس انو مواصفات ممم انو تكون احلا مني وتكون دارسة يكون معا شهادة
مثقفة منيح بحيث انو تقدر تفهمك وتقدر تتناقش انتي وياها بنتيجة
شبعانة من هالدنية
كريمة هيك يعني
بس انو حلم ولا حقيقة في مشروع يصير حقيقة

- هل انتا حر بقراراتك .. وشو هيي القرارات اللي ندمت عليها بحياتك ...

اكيد انا حر بقرراراتي بس طبعا لما تكون القرارات مهمة وإلا تأثير ب مستقبلي ف بستشير أبي ورفيقي

القرارات يلي ندمت عليها ما بزكر في شي بيستاهل انو إندم عليه
بس ياريت ما إندم ع قرار أخدتو بزمناتي

- شو أكتر 3 كلمات عربية بتكرهن ...

كزب.. خيانة .. طائفية ..

- سمي الأعضاء اللي بتتمنا تشوفهن وش لوش ..

اوهوو كتار

بس رح عد 10
ويلي يلي هوي جاد الله يزكرو بالخير
ابو وليم مع انو بطلت بدي شوفو أكتر من 4 مرات قلو واعزمو وما يطلع دابحو النوم
هاني داغر اخي ما بقدر ما سميه معون
فادي فيفا سيريا
فوفو
ريتا
سيزار
رؤى
بارليب
غابي
محمد براهيم
هدول يلي خطرولي

- شو هوي التوب 10 بأعضاء الأخوية ...

هلئ ما فيني ئلك انو هدول الأعضاء هني التوب تين
بس انو كل شخص بأخوية إلو مكانو
ف ما عندي توب تين

عندي توب فرندس
متل فرح . فادي . ريم . بارليب . زياد . كتار ..

- شو تقديرك للأوضاع بعد 50 سنة

من اي ناحية ؟

- كلمة بتوجهها لأعضاء .. هني بيعرفو حالهن .. بس بدون ماتسميهن ...

ليك انت لما تكون معي تمام بحطك بعيني وعراسي بس انو لما تكزب عليي بشيلك من عيني
--------

للحدا التاني :

- هل انتي من جماعة التحشيش (دخان أو أركيلة .. ) وإذا لأ .. شو موقفك منهن ..

أكيد
انا من جماعة الدخان ما بحب الاركيلة بس بدخن

- 3 أعضاء ماهضمتهن ..

لما ما تدقق زيادة بينهضم معك كلون

- هل انتا عايش الحياة اللي كنت بتحلم فيها ... وإذا لأ .. شو هيي ؟

يعني 35% اي
بس انو لساتني اول طلعتي ف الباقي ما تبقى من الــ % انا يلي بدي سويه ما بدي إحلم فيه وتم نايم

- هل في أعضاء تغيرو بنظرك بعد ما حكيت معهن مباشر (نت او لقاء مباشر .. ) ؟

اي في أغلبون

لان انت لما تشوف ردود لشخص مثلا مو اكيد انو هالشي بيعبر عن هالشخص وعن نفسيتو
يعني انتي لما بتحكي مع حدا بأخوية بس باخوية فيك تاخد نظرة متل ما بدك

بس لما يصير الشخص ئدامك فيس تو فيس وئتا بتختلف معك الشغلة

- شغلات بتفتقدها بهالإيام ..

النوم

- محلات بتتمنا تزورها ! ؟

روما . موسكو .

- شعور صرلك زمان ماحسيت فيه ...

الأنانية

- شعور بتكرهو ..

الزعل

- شو هيي أصعب لحظة بحياتك ...

اصعب لحظة وئت دفنت شخص عزيز عليي اصعب لحظة لما سكرت عليه القبر وئتا مافيي عبرلك عن الإحساس يلي حسيتو

- لو سلموك رئاسة دولة عظمى شو بتغيري ...

ازا هالدولة سياستا الخارجية ظالمة ف بحاول عدلا وازا داخيا ما عم تشتغل للشعب ف كمان بدي عدلا وتشتغل للشعب تبعا ازا في حروب .. إحتلال.. كلو بوقفو

- معك مليار ليرة .. شو بتعمل فيهن ..

آهـا ..

بفتح جامعات وبرسوم ئليلة براس مالا يعني
بسوي جمعيات سكنية
بأسس شركات وشغل اكبر قدر من الشباب
شركة إتصالات كمان براس مالا زيادة شوي
ما بيكفي المليار

- بتآمن بالقضاء والقدر , بالسحر , وجود كائنات غريبة ع الأرض أو ع غير كواكب ..

قضاء وقدر مو دائما بس بحس انو كل شخص نوجد ليسوي شي بهل دنيا

سحر لأ ما بآمن

كائنات غريبة ازا بدي ىمن فيا رح تكون يلي عم يكتشفوا بالمحيطات

بغير كواكب ما بعتقد في اشكال حياة

- شغلة غريبة صارت معك .. ومافهمتها ..

كيف ما سويت الحادث من شي شهر لحظة كيف تصرفت فيها ما عرفت وقتا الله ستر

- 3 أفلام .. بيستحقو ينحضرو بنظرك ..

ما عم تابع زيادة

بس في فلم ما بزكر اسمو بس البطل تبعو بيكون قاتل مأجور هوي الممثل فرنسي إسمو بالفلم ليون
وبيكون في بنت صغيرة وعيلتا ساكنة جنبو بالبناية بيئتلو عيلتا وبتضل هية وبتجي لعندو وبتصير تروح معو وبينتقملا منون

3و 300

ما بتابع زيادة

- بتتمنا تغيري بهالشغلات .. وإذا اي .. فسر ليش ولشو :
جنسك , لا

عمرك , لا لأني عشت كل مراحل عمري


جنسيتك , كمان لا

وضعك الإجتماعي , بكير لسا

نظرة حدى بيهمك شايفك فيها بالغلط .. , كمان لأ بيشوفني متل ما بدو بس الأيام والمواقف يلي بتصححلو نظرتلو


مسؤوول أجنبي .. ياخي جورج بوش خرب الدنيا ستلم من هون حارب وحتل وقتل ورفع البترول وقوم القيامة

- بتتمني تعيش بالقرن التاسع عشر ؟

انا بدي خمس دقايق لقدام يا زلمة

- لو رجع الزمن لورا .. شو كنت بتحب يصير ..

مابدي غير شي بالماضي لأن غجباري إزا تغير شي بالماضي ف رح يغير بالحاضر وكذلك بالمستقبل

- هل انت راضي عن الكرة الأرضية بوضعها الحالي ...

الله يسكرلك ثقب الآوزون ويوقف ذوبان هالقطبين ويقلل من أكسيد الكربون

شو نظرتك للأمور التالية :

بيئة : ظلمناكي

فقر : العدو اللدود للإنسان

نكبات : من إيديكون

ثروات طبيعية موارد غير متجددة : يلي انتجتو الأرض ب ملايين السنين استنزفو البشر ب 100 سنة

مستقبل السيارات - .. : رح تم عم تمشي لو خلص البترول

- قديش تقديرك لدوام الرخاء المعيشي الحالي ... : انو رخاء يعني قصدك وين مثلا


- شو بتعنيلك هالكلمات ..

(THE UNFORGIVEN مو اسمي .. بقصد ك كلمة مجردة ..

بيخطر ببالي شخص غالي علي

, الحب , مفعولو كبير بيقلبك فوقاني تحتاني

الرحمة ياخي مافي شي دايم لو هل ناس ترحم بعضا شوي

, الموت آخر الطريق

, الموبايل أساسي بحياتي مواعيدي وتلفوناتي وشغلي وملفاتي رفيقي يعني صار

, الوقت , كل دئيئة عم تروح عالفاضي رح إندم عليها بالمستقبل لانو بس يروح مافيك ترجعو وتصير تدعي لو و لو

أخوية ,
اخوية هية اخوية مو بس عبارة عن موقع عالنت بتفوت بتسحب منو كم كتاب وكم أغنية وتطلع بتحس حالك انو لازم ترج

بنظري هية عبارة عن طاقم ضخم ومتكامل من الشباب والثقافات والديانات والطوائف
بتحس حالك بمجتمع صغير وبتتعلق بعالم وبتزعل على عالم يعني أخوية بالغعل اخوية وبتعنيلي كتير

البحر , حلو خصيصا لما تغرب الشمس بتحسا عم تدوب بالبحر

الهدوء , فيروز

السعادة , لما تلاقي نتيجة من تعبك

العذاب , الفشل

الجنة , بيتي

2008 , احسن من ال2007

كل عام وانتي بخير , يا امي

الشر , موجود وين ما كان بس بنسب مختلفة

السخافة , اللعي كتير

الأمل , الدافع ل تتابع بحياتك

النقطة (.) , انو خلصنا نتهى

الفراغ ( ) , الفراغ الفراغ ممم فراغ بس مارح يبئى فراغ

الوحدة , اصعب شي

الجوع , حلو بتحس كل شي طيب

النوم , راحة نفسية وجسدية يعني الفترة الوحيد يلي بتريح جسمك وعقلك وحالك ..بحبو ..

النت , عالم كبير جدا جدا وغزير بلأشياء ومرجع ضخم وبيقوللولك النت ما منيح لأ انا بقلك النت لا هوي منيح ولا ما منيح

النت متل ما بدك بتسويه بدك ياه منيح بتلاقي المنيح

بدك ياه ما منيح بتلاقي الوسخ

الأطفال , بريئين وحلوين وراسون مرتاح

الكره , مؤقت

البغض , مو نفسو الكره هاد

العطاء , حلو كتير اي شي بتشتغل فيه وبتلاقي انو بلش انتاجو وعطائو بتنبسط كتير

الغباء . بكرهو .. بكرهو ..

- مين بتحب أكتر .. امك أو أبوك ؟ وليش ..

هلئ مافيي إختار حدا من هالشخصين كل واحد الو مكانتو بئلبي يعني مستحيل ئلك ابوي او امي

يعني كل حدا الو مكانتو يلي ما بتتغير بحبون كتير
بس بحب ناقش ابوي اكتر

- اختك ولا أخوك ؟

كمان نفس الشي مافيي حط حدا ب مكانة فوق مكانة التاني بكون ظلمت التاني

- سوريا ولا فرنسا ؟

- برشلونة ولا الريال ؟


- أو ... !؟


- أو ؟



- كلمة للبشر ... !

peace & love

- انت شو ب3 كلمات ... !؟

انا انا مافيي إحكي عن حالي او قول انو انا هيك هيك انا بتلات كلمات هالكلمات رح يكونو عندك وعند غيرك انا شو

- لو كان بإيدك تطلع عالفضاء .. مين بتاخد معك من أخوية ..

جاد

- رأيك بحدا بتحبو ب3 كلمات ...

بدي ياكي تعلقت فيكي

- شخص بأخوية .. بتحسو كفو ؟ وشو احساسك إذا طلبت منو طلب وماطلع كفو ...

ابو وليم كان كفو بس بعدين بقلك شو كان يشتغل كفو وهوي صغير

- بتتمنا تعيش مع شخص معين عالقمر مثلا .. او بشي محل لحالكن .. وبلا إزعاجات وهموم الحياة ..

لأ لأنو ئد ما كون بحبو رح نمل من بعض بلأخير

- بتتمنا الموت لحدا ... وإذا اي لمين وليش ...

لا ما بتمناه ل حدا بكرة بيموت لحالو

- شو رأيك بقضية فلسطين والعراق ..

فلسطين : بزعل على النزاع الفلسطيني الفلسطيني

العراق : كان بلد قوي جدا بجامعاتو ب مشاريعو بجيشو بس الخيانة والكبت هيك نتيجتو

- قسم بأخوية .. بتشوف انو لازم يتم فيه تطوير ..

كلو شغال وما احلاه

- تغييرات بتحب تعملها بأخوية ..

حلو الوضع هلئ بس بزبط شوي قسم التكنولوجيا والكمبيوتر وهدول

- لو كنتي طير .. وين كنتي بتروح ..

لعندا

- تخيل حالك بالتايتنك .. وكل ركاب التايتنك من أخوية .... وصار اللي صار .. وغرقت التايتنك ...
ومعك قارب نجاة بيساع 10 راكب ... مين بتحطي من هدول بهالقارب ..
(hanny dagher - jida -gazita - Willi - سرسورة -لاوديسا - وائل 76 - GOVERMENT
نيرفانا - اThe morning - القلب المنادي - ليندا - * marwa * - Reemi - lucky
مسطول على طول - محمد ابراهيم - bl@ck- butterfly abosleman - abu guzef - Nirvana - Barleb
spector- roaa - ronaldooooo - HUS - madmax - marioma alghazalyea- fofo besset syria - ماس
cuty - ABU WILLIAM- ASH - was616im - وشم الجمال - sweetbaby - Syrian Gay yass - كهربجي
The morning - Governmen - COSTA- phoenixbird - handsome - dimozi
vivasyria- Raw - suryoyo - اللامنتمي - قرصان الأدريكاتيك - -TheLight-الحاج متولي
انا - abo joseph - gabriel - انت - شخص غير هدول .. )

كنو ما حابب جاوب

- ناس بتفتقدهن إذا غابو عن أخوية أكتر من شهر ..

جاد . هاني . ريتا . فرح . بارليب . زياد . أنا

- اعتبرني مارد ... وبدك حققلك 5 أمنيات ... شو هني .. وفيكي تخبرني وحدة بالسر ..

مم خمسة ..

اول امنية انو تخليلي الامنيات ما بيخلصو
بعدين كل شي بوقتو حلو

- لو كنت بجزيرة متر بمتر بنص البحر .. وإجت سفينة وبالصدفة فيها عدو قديم الك .. بتطلع ولا بتفضل تضل لحالك عالجزيرة ..

لا بطلع احسن ما تم لحالي لتجي السفينة التانية بيعني الله كم يوم مع هالعدو

- اعتبر حالك ع قمة افرست .. وعندك خيارين .. اما بتزت حالك .. او بياكلك وحش ..
شو بتعمل ...

هاد سؤال يازلمة
ازا كان ولا بد بزت حالي بجي ع راسي بخلص عالحارك
اما انو شوف حالي عم إتاكل ما زابطة

- شو أكتر شي بتخاف منو .. وبصدق ..

الخيانة


* فيكي تعددي أكتر من شغلة ...
- شو أكتر شي بتحبو ...
- اي أو لأ ..
- لأ أو مابتعرفي ..

- هل حسيت بوقت من الأوقات باليأس .. هل تمنيت انك لو مانك موجود عالأرض ..

مريت بهيك مرحلة شغلة شهرين بس وعيت ع حالي بلأخير

- هل بتحس انو العالم سخيف بهالأيام .. وهل في شغلات بتفكر فيها .. وبتخاف تطلعيها لبرا خوفا من عدم تفهم الآخرين إلك ..

اخي مو سخيف
هلئ في شغلات بفكر فيها بس ما بطلعا قدام الشخص الغلط
ازا بدي بق البحصة بحكي قدام حدا خرج تحكي معو

- مين الشخص اللي بتلجألو وقت بتكون مزعوج وعايز مساعدة ..

انا شخص كتير محظوظ ب أصدقائي جدا جدا يعني هاد شي بشكر الله عليه
بس اكتر شخص يلي بروح لعندو بهيك مواقف هوي
في عندي رفيق اكبر مني ب 7 سنين هاد رفيقي هوي يلي بروح لعندو ياخي مخي بيطق ع مخو ب بكتير شغلات بحسو بيفهمني منيح منيح
ف بروح لعندو

- حكمة بتحلها ...

شو تحلها

- شو أحلى غنية لفيروز عندك ..

كل شي غنتو فيروز حلو بس انا بحب أغنية (( حبيتك بالصيف ))

- إذا كان معك فرد .. وخيروك بين انو تقتل حالك .. او تقتل حدا عزيز عليك كتير ... شو بتعمل .. متل كأنو تضحية ..

لا بقتل يلي خيرني

- هل في سر ماحدا بيعرفو غيرك .... إذا أي .. شو ممكن تعمل إذا اتفشى من قبل حدا عرفت انو كان بيعرفو ..

اي في بس انو ما بعتقد في حدا بيعرفو غيري وما بدي فكر شو رح يصير ازا نفشى

- هل ممكن تضحي بحالك مشان شخص حبيتو .. (مثلا بكلية أو شي شغلة .. )

اي نعم لكن انا ليش بحبو

- إذا عرفت انو بوقت معين لا سمح الله رح تموت .. شو بتعمل .. شو الشغلات أو الطلبات اللي بتتمنا تحققها قبل ماتموت ... او في شغلات معينة بتحب تصلحها او تعترف فيها .. او حتى ممكن تنتدم ع شغلات عملتها .. وشو هني ..

ازا علي دين بطلب انو ينسد

وازا ظالم حدا بتمنى يسامحني

- غنية أجنبية بتحبا كتير ....

Viva For Ever

- إذا خيروك أهلك بين عروس غنية .. وبين عروس فقيرة بس بتحبها .. شو بتختار ..

والله يلي بحبا لانو انا رح اتجوزا إلا مو لمصرياتا

- وأخيراً وليس آخراً ... هل زعجتك بأسئلتي .. ؟! ..

هئه ما زعجتني