[الموسيقار]

هالفترة مو متل اي فترة ... ليش ؟

لأنو أول شي مابقا في بال عند الكل .. أنو يعملو أحلاف مؤقتة مرحلية .. متل التحالف العالمي تبع عاصفة الصحراء أو التحالف السوري الأميركي .. في لبنان ..أو التحالف السوري المصري السعودي ..

وثانيا ً ...الدول المؤثرة بالمنطقة كالتالي :

الولايات المتحدة : عم تحاول تأمن أكبر مخزون نفطي .. لإحساسها المتزايد بأنو زمن الدولة العظمى بدأ بالانحسار .. وخاصة بعد صعود الصين .. وروسيا .. وايران ..

روسيا : رجعتلها أحلام الدولة العظمى .. وبدها يكون لها رجل ما تتزحزح من المنطقة العربية ..

ايران : ظهرت في السنوات العشر الأخيرة .. كـ قوة عظمى وسط ذهول العالم .. أنو كيف ممكن دولة بحكم النامية .. تعمل فيها ثورة اسلامية كل هاد الشي .. وكيف قدرت تأسس قاعدة علمية واقتصادية كتير قوية .

سوريا: بدأت سياستها تثبت مصداقيتها .. وبدأ الخط المرسوم للسياسة الخارجية تظهر ملامحه .. واستطاعت أن ترسم خارطة تحالف قوية جدا ً بالمنطقة توازي الحلف الأميركي مع كل الدول العربية .. (كلها)

فبعض العرب .. يغازل سوريا لضعفه أو لنظرة مستقبلية بعيدة .. مثل النظام القطري والنظام الكويتي والإماراتي (الإمارات للمصالح) .. والنظام التونسي ..والنظام الأردني .. وحتى الأنظمة الغارقة في مستنقع الهيمنة الأميركية .. تركت خط رجعة مع سوريا .. وامتنعت عن الاتيان بأي إهانة لها .. لأنها تعلم أنها من الكبار في المنطقة ... وأنه في حال أي صلح بين الكبار .. لن يلقى الصغار سوى الفتات .. فالحديث هنا عن (عزل سوريا) يثير السخرية .. ولا شكـ أن أرقام الاستثمارات الأجنبية في سوريا للعشر سنوات المقبلة تدعو للذهول .


تركيا : دولة قوية ... وذات سيادة مطلقة في اتخاذ قراراتها .. تبني اقتصادا ً واثقا ً ... ومنظومة تحالفات اقليمية واثقة .. حرصت بشدة في الفترة الأخيرة على تنظيم علاقاتها مع سوريا و إيران .. لأن سوريا وايران يرعيان تحالف هو أكثر ما يؤرق الغرب .. وأكثر ما يحسب له حساب .. بالاضافة لتعاظم نجاح التجربة الديمقراطية فيها

السعودية : اذا اعتبرناها دولة مؤثرة .. (حيث أنا التبعية المطلقة لأميركا منعتها من التأثير) فإن السعودية تمارس سياسة النزع الخير .. حيث لم يتبقى لديها أي مبادرة .. وخاصة بعد المبادرة المضحكة التي أطلقتها في بيروت .. حيث أثبتت هذه المبادرة أن السعودية وملكها .. لا يملكون مربط خيل .. رغم القوة المالية الهائلة للمملكة ..


مصر : عم تعيش هلأ الحراكـ السياسي .. الي صار قبل ثورة الضباط الأحرار .. وهذا الحراكـ آيل إلى الازدياد .. خاصة وأن مصر فقدت دورها القيادي .. في المنطقة .. بالاضافة الى الوضع الاقتصادي .. والهوة الكبيرة التي تمايزت بين المللاكـ .. (2.5 % ) وبين الطبقة الفقيرة اللي صارت أكتر من 90%



هلأ استنادا ً لكل ما سبق .. أنا بشوف .. أنو المحاور تمايزت عن بعضها .. بشكل كتير واضح ..

وأنو نهاية التمحور هاد .. والانتقال الى مرحلة جديدة .. ما رح ينتهي بسقوط أحد المحاور تلقائيا ً .. متل مرحلة الحرب الباردة ..


أنا برأيي .. أنو نهاية هالحقبة رح تكون .. حرب كبرى اذا مو عالمية .. تحسم الصراع اللي صار صراع عقائدي أكتر بكتير .. من أنو يتسمى صراع مصالح .. أكيد مو الدين ولا القومية .. هو محركـ هاد الصراع


محركـ هاد الصراع الأساسي هو الجهة من العالم .. . يعني شرق .. وغرب . بس مو متل الحرب الباردة أكيد .. ولا معسكر وارسو والأطلسي .. في شي بيختلف عن صراع الاشتراكية والرأسمالية .. صار في شي اسمو صراع الحضارات بكل .. أبعاده .. صار في شي اسمو .. صراع التاريخ