[fofo besset syria]

هلأ انا ما كنت ناوية فوت بالموضوع لأنه كل واحد الو لسان وبيعرف يرد عن حاله..وخاصة انه صارلي يومين غايبة عن الموضوع بئا فكنت مقررة ما اتدخل بالحديث...بس الظاهر انو الموضوع زاد عن حدو وانو كل واحد عم يتمادى بالحكي من جهة...

لك ازا الاداريين بأخوية عم يتمادو عبعض وعم يغلطو بحق بعض لكن مافي داعي نعتب على شي عضو جديد فايت وعم يحكي شمال ويمين ويخبص بالحكي...

هلأ بس راح علق عكم شغلة لفتت انتباهي بالموضوع وراجعة كمل الحديث المسا عرواق...

[/quote]
انا ما عندي مشكلة شخصية مع ريم, وما بتذكر اني اتقاتلت معها بولا موضوع.
[/quote]
أي معك حق..الظاهر عندك مشكلة مع الكل مو بس مع ريمي..

انو ما بظن لمجرد انو ريمي رفيقتي او انه علاقتها منيحة مع شي عضو راح يمسحلا جوخ بهيك موضوع..لأنه الشغلة مو محرزة كتير...

بعدين ريمي بشهادة الكل هية ومرسيل من اكتر الناس الي بشتغلو من قلب ورب بأخوية ... ولهالسبب طلعو للمصادفة احسن مشرفين بأخوية بالاستبيان التاني


[/quote]
مقدمة..انو ليش ما حطيتو اسمي بهالقائمة العرمرمية..باعتباري كنت(بالماضي..) منسق وبعدين مشرف للحظات(يعني اجزاء من الثواني..) وبعدين كمان صرت مشرف متقاعد..واجاني التبريكات والتهاني من الشعب ع التقاعد..وفجأة كمان صرت عضو.. يعني ينذكر اسمي من باب التاريخ..انو في قديم الزمان..كان ياما كان..

في كم عضو رح ينزلوا بعد مدة او رح يستلموا بعض المهام الادراية متل التنسيق.. بقا هدول مزكين من قبل المشرفين اللي هلأ..واللي كانوا سابقا منسقين..طبعاً انا كنت جزء من ذلك النسيج التنسيقي.....بقا لا بد من تمسيح الجوخ ورد الجميل ع التزكية اللي صارت بذلك الوقت..وازا بدكم رح نحط الاسماء اللي الهم الحق بدخول الاقسام الادارية هلأ...وهنن اعضاء وع قيد التدريب الادراي....منشان تعرفوا مين اللي عم يمسيح جوخ وليش..

[/quote]
الظاهر انه عندك مشكلة كبيرة مع الشباب الي مستلمين مهام ادارية بأخوية او الي راح يستلمو مهام ادارية فيها...ممكن تفسرلنا سبب ضيقة هالعين؟؟؟؟؟؟؟ او السبب واضح وما بدو تفسير...خاصة انه سامر مفسر جزء كبير منو...(بس حبيت زكرك ما تخاف الشغل بأخوية تطوعي ومافي أي منافع اخرى...بئا ما دام انك كا طلعت أد حمل المهام الادارية مافي داعي تنئرء كتير..عادي)

ويا سيدي ازا تمسيح الجوخ هوة لصالح ريمي او مرسيل لو هاني او ياسو او حدا من الشباب الي عنجد عم يشتغلو لصالح أخوية فأنا بتشرف باني كون اول واكبر مسيحة جوخ هون...


الي رجعة المسا كمل....