يعني قسم بالله شي غريب فعلا شي بيصطل صطل , انو راجعت ردي اكتر من مرة وللحظات حسيت حالي كاتب الرد بشي لغة غير معروفة او مقروءةعلى وجه الارض حتى بلشت الناس تفهم على كيفا من الرد مع انو حاولت بسط الرد قدر المستطاع بس يبدو كل واحد بدو يفهم على كيفو ومع انو استخدمت اسلوب اللايت كونتاكت وما استخدمت اسلوبي يلي هو فل كونتاكت لأنو بصراحة ماحسيت حالي بمعركة حتى استخدمو وصراحة اكتر مابحب افرد كل الاوراق فرد دفعة . العمى هي هيك وما استخدمنا الكيماوي
اما يلي لمح وغمز وحكى بين السطور ومن فوق الطاولة وتحتا وحكا بصراحة تامة (اشكرا خبر) انو والله انا حكيت هالحكي مبارح وقبلا بهداك الموضوع من سنة ونيف انو لأنو تم اختيار البعض وتم اقصاء البعض فهاد الكلام مردود عليه بكل بساطة وهو انو تم اختيار او تعيين المشرفين وليس انتخاب يعني نحنا ماكنا بمسابقة او او ماشابه حتى الواحد يفوز او يخسر بس يلي صار بوقتا انو هيك طلع القرار تعيين وهادا مخالف للديمقراطية يلي عم تتغنوا فيا, لك حتى مسرحية ماصار انو على القلية عملو انتخاب خلبي وحطو الاسماء يلي بدكن ياها .
فمحدا يعزف على هالوتر لأنو مكشوف
فا هون انا مابسكت ويلي سكت يصطفل مالي علاقة بغيري كل واحد مسؤول عن حالو وبوقتا قلت لحالي انو اخوية صايرة بحالة ثبات اما هلئ يبدو صارت بحالة انهيار او فلاتان امني بمعنى ادق
وكنت بتمنى حدا يسأل انو اخي ليش كل هالحكي يلي بطعمة وبلا طعمة ؟ بس للاسف ما في حدا هووون بنوب
بس انا رح حط واحد من الاسباب المباشرة
هادا يااهل الخير كان في موضوع بالزماناااااااااااات (على قولة ابو رياض ) فيو مشاكل قمت حطيت مشاركة عم خاطب المنسق يلي مستلم التنسيق انو عمي شفلنا هالموضوع كتير طلع عن حدو فبكون جوابو اي بعات مشاركة عاطلة .
يعني صراحة انا ما شفت اوقح من هيك رد لسببين
1- الموضوع مبين اشكرا خبر شو وضعو وشو ترتيبو فمابدا الشغلة بعات مشاركة عاطلة ( لشو البيروقراطية )
2- انو انا عم ينحكالي هالحكي انا يلي اقدم منك عم تعلمني وبعرف القوانين منيح (هادا الحكي انا برفضو وهادا الحكي ما بينقال لفلاش باك ) مع احترامي للكل بس ممكن انو ينحكي فيه مع غيري لأنو اول باشتان انا مابدي حدا يعلمني ويوم بيصعب عليي شي ببعت بسأل مو عيب تاني شي انو عيب واحد بعمري ينحكى معو بهالسلوب الفوقي يعني نحنا هون يلي بعمري ما منطلع ابو شي 20 واحد
بس يبدو صاحبتنا ماسكة بوقتا القوانين من ديلو فرحانة بالكرسي
لهيك بوقتا كتبت كلامي بالموضوع القديم قررت انو ضبضب واحترم حالي لأنو اكيد رح يكون في تطاول بالمستقبل
طبعا اكيد في غيري صار معو نفس الشي
بس يبدو المشكلة عندي انا ما عرفت فرق بين الحياة الواقعية وحياة النت وهاد الشي ناتج انو انا انا ان كان بالواقع او بالنت مو بشخصيتين
ملاحظة : المشرفة يلي حكيت عنها هي مو من الاسماء يلي ذكرتن مبارح ( مشان الحلال والحرام )
طبعا الاغلبية رح يعتبر هالحكي انو نرجسية وانا بعترف (انو الانا تبعي عالية شوي مو كتير ) لأنو من الناس يلي بشوفني بعين بشوفو بالتنين
اما الاخ ياس فبحب قلو شوف ردي منيح قبل ما ترمي الناس بحجارك انا قلت انو انا ما صوتت لأني كنت غايب سنة وكم شهر ومابدي اظلم حدا و مشاركتي كانت انو المشكلة بلشت من هنيك هداك الموضوع
لهيك عزيزي انت مشرف والمشرف تحت المجهر دائما والاعضاء ناطرينو على غلطة.
وبعدين عمي يعني انتو معصومين عن الخطأ يعني ؟ ولا انتو من جماعة ربكم الاعلى مابصير الواحد يقرب عليكن ؟
ولا يلي بيحكي الدغري بيطلع غلطان ؟
وبالنهاية يلي زعل يزعل ويلي رضي يرضى انا من جهتي ما جرحت حدا وكلمة الحق لازم تقال ولو شو ماكانت النتيجة
وعقبال مانشوفكن هيك اعضاء قيادة
وبعتذر عن الجنوح والخروج عن صلب الموضوع
ومشان الحاج متولي : يوسف بيك كنت حابب اقتبس مشاركتك بس لاتواخذني بعد هالغياب نسيت كيف اقتبس من صفحة لصفحة
وشكرا كتير الك لاهتمامك القديم والجديد والمنتدى منور فيك والله لايجيب زعل
واحلى حلب والله خيوووووووو
وحسون احلى حسون بالكون مو بس بقطر او سوريا
وانتم السابقون ونحنا اللاحقون
وشكرا على تلفونك هديك المرة
سلامااااااااااات